Kulturarabako larunbat musikalak - kulturaraba
Larunbat musikalak
Larunbat musikalak formatu txikiko kontzertu eta ekitaldien zikloa da, antzinako musika, musika klasikoa, garaikidea, zarzuela eta beste kultura batzuetako musika errepertorioak barne hartzen dituena.
Kontzertu horiek Arabako Foru Aldundiak antolatzen ditu, Kultura eta Kirol Sailak, eta urtean zehar egiten dira.
Bertako artisten presentzia nabarmena duen zikloa da, baina beti Euskadiko eta Espainiako interpreteen talentuari eta garapenari irekia.
Kontzertuak eta ekitaldiak Arabako ondarearen leku enblematikoetan kokatzen dira, baina gehienbat Arte Ederren Museoak hartzen ditu.
LARUNBAT MUSIKALAK 2023
2023/01/07 –2022/12/02
Larunbat musikalak formatu txikiko kontzertu eta ekitaldien zikloa urtean 10 kontzerturen formatura itzuliko da, kontzertu bat hilean, udan izan ezik.
2023ko Larunbat musikalak urtarrilaren 7an hasi ziren, haurrei bereziki eskainitako saio batekin. Haur kontzertu hori Arte Ederren Museoan egin zen, Eguberrietako magiari amaiera emateko. Edward Grieg-en Peer Gynt, Bortz boskotearen eta Ana Sarobe narratzailearen eskutik.
2023ko programazioa askotarikoa da, eta talentu gazteari bultzada eman nahi dio publiko berriak erakartzeko. Emakumezko artista eta konpositoreen aldeko apustua ere egiten du, bereziki eta sinbolikoki, martxoan eta azaroan.
Edizio honetan, bere garaian iragarritakoa betez, sailak duela 20 urte baino gehiagotik antolatzen dituen beka artistikoen laguntza jaso duten hainbat pertsonak hartuko dute parte.
Programak iazko berritasunari eutsiko dio: jarduera bat Arte Ederren Museoa ez den leku batean eta beste bat Antzinako Musikaren Astean.
Gainera, programaren azken proposamenari dagokionez, ikus-entzuleek programazioa aukeratu ahal izango dute aldez aurretik, “pianoa nahierara” izeneko apustu berritzaileari esker. Horrela ikus-entzuleek programazioan eragiteko eta iritzia emateko aukera izango dute.
Eskaintza ezberdin bat, azken finean.
2022KO PROGRAMA
| Tokia | Data | Programa/Artista |
|---|---|---|
| Gasteiz Arte Ederren Museoa | Urtarrilak 7 12:30 | BORTZ boskotea eta Ana Sarobe (narratzailea) |
| Gasteiz Arte Ederren Museoa | Otsailak 4 12:30 | DOLMEN DUO Ibon Ariznabarreta eta Eider García de la Torre |
| Gasteiz Arte Ederren Museoa | Martxoak 4 12:30 | Mireia Comas (2020ko bekaduna) Luca de Falco Joana Otxoa de Alaiza BIOLINA + PIANOA + BIOLONTXELOA |
| Gasteiz Arte Ederren Museoa | Apirilak 1 12:30 | Musika kutxa, irudikatutako bidaia baten ipuinak Caranzalem |
| Gasteiz Arte Ederren Museoa | Maiatzak 6 12:30 | Sostenuto hirukotea Ana Sagastizabal, sopranoa Aitor Aburto, klarinetea Pedro Andino, pianoa (2022ko bekaduna) |
| Gasteiz Arte Ederren Museoaren lorategietan | Uztailak 1 12:30 | Umami taldea |
| Gasteiz Arte Ederren Museoa Antzinako Musikaren Asteko Programa | Irailak 2 12:30 | Antzinako Musikaren Asteko kontzertua (ekitaldi horretako programarekin batera aurkeztuko da) |
| Gasteiz Arte Ederren Museoa | Urriak 7 12:30 | Aitor Gullón Elgarresta. (2016ko bekaduna) Ricardo Herrero Vega Xabier Gullón Elgarresta (2022ko bekaduna) (oboea, klarinetea eta fagota) |
| Gasteiz Arte Ederren Museoa | Azaroak 4 12:30 | Elles kontzertuan Auria Quartet
|
| Gasteiz Arte Ederren Museoa | Abenduak 2 12:30 | Pianoa… nahierara!! “Ukitzen” gaituzten doinuak Publikoak aukeratu beharreko programa Aitor Ocina |
AURREKO EDIZIOAK
LARUNBAT MUSIKALAK 2022
2022/04/02 –2022/12/03
Bi urteko isilunearen ondoren,2022 urtean larunbat musikalak itzuli ziren edertasun paregabeko bi kokalekutan: Gasteizko Arte Ederren Museoan eta Fontechako Orgaz Dorrean.
Programazioa amaituta, 673 pertsona pasa ziren bertatik eta gozatu.
2022ko programan honako artista hauek izan ziren:
| Amodio eta umore olerkiak |
| Flauta, biola eta harparako musika frantsesa |
| Château Margaux |
| eXpreSSio |
| Time Stands Still |
| Maitasunaren mila aurpegiak |
| Espainiako musikaren lilura |
Larunbat Musikalen historia
Larunbat Musikaletan, hasieran, Bibaten abesbatza kantaldiak eta Arte Ederren Museoan kontzertu instrumentalak eskaintzen hasi ziren, hilero lehenengo larunbatean, museoetara dohainik sartzeko egunaren batera, irailetik ekainera arte. 2013ko urtarrilean, Bibateko azken abesbatza kantaldia eman zen eta ordutik aurrera Arabako Arte Ederren Museoa da programazio leku bakarra.
Larunbat Musikalek egin duten ibilbidean, musikari nabarmengarriak igaro dira museotik, hala nola June Telletxea, Garikoitz Mendizabal, Aitor Furundarena, Lorena García, Rafael Bonavita, Alberto Itoiz, Roberto Casado, Virginia Gonzalo, Iñigo Alonso, Estibaliz Oraá, Víctor Parra, Carlos Seco, Eduardo Moreno, Luis Ibiricu, Nika Bitchiashvili eta askotariko jatorriko hainbat talde.
Programazio guztiaren plangintza zuzenean egiten du Kultura eta Kirol Sailak, iraileko programazioa izan ezik, Antzinako Musika Astean barruan baitago. Larunbat Musikalen historian zehar, lankidetzak egin dira Musikenerekin, Nazioarteko Musika Ikastaro-Jaialdiarekin, Músicos Sin Fronteras-ekin, etab.
Kontzertuen helburuak
Larunbat musikalak programa Arabako Foru Aldundiaren Kultura eta Kirol Sailak 2012aren bukaera aldetik hona bultzatzen duen ekimen bat da, ondoko helburu hauek dituena:
-
Musika programazioa bultzatzea
-
Museoak eta, oro har, Arabako ondarea bisitatzea sustatzea
-
Bertoko talentuak edo sendotzeko bidean dauden musika-jotzaileak babestea
-
Entzuleria berriak garatzea eta sendotzea
