ARABAKO KULTURA SEKTOREAREN TOPAKETA IREKIA

Hurrengo topaketa irekira gonbidatzen zaituztegu. Urriaren 7an, asteazkenean, 17:30ean, izango da, Ignacio Aldecoa K.E.ko Orisol aretoan.

Saioan Arabako kultura-sektorearentzat interesgarriak diren hainbat gai partekatu eta landuko ditugu, baita Arabako Kulturaren Batzordetik eta sektore-mahaietatik sustatzen ari diren proiektuak ere.

Besteak beste, honako hauek izango ditugu hizpide:

  • Lurraldeko kultur eragileen direktorio publiko bat sortzea.
  • Landa-udalerriei kultura-jarduerak garatzeko oinarrizko ekipamendu teknikoa eskuratzen laguntzeko baliabide teknikoen kit-a.
  • Arabako sorkuntzarako sari-deialdi berri bat sortzea.
  • Eta gure lurraldeko kulturaren orainari eta etorkizunari eragiten dioten beste ekimen eta proposamen batzuk.

Topaketa hau, halaber, ideiak partekatzeko, beharrak eta proposamenak planteatzeko eta ekarpenak egiteko gunea izango da.

Etorri, parte hartu eta bat egin. Zure iritzia garrantzitsua da Arabako kulturaren ekosistema elkarrekin eraikitzen jarraitzeko.

  • 📅 Urriaren 7a, asteazkena
  • 🕠 17:30
  • 📍 Orisol aretoa – Ignacio Aldecoa K.E.
     
IZENA EMATEA

 

Arabako ikusizko arteen sektorea ere bilduko da urriaren 6an, asteartean, 18:00etan, Kultur Etxean.

Sektorearen informazioa partekatzeko, ideiak trukatzeko eta sektorearen berariazko proposamen eta beharrak jasotzeko gunea izango da.

  • 📅 Urriaren 6a, asteartea
  • 🕕 18:00
  • 📍 Amaritu aretoa – Ignacio Aldecoa K.E.
     

 

 

Arabako Kultura Batzordea 

 

Kultura Batzordea AFAren kontsultarako eta aholkularitzarako organo parte-hartzailea da kulturaren arloan, eta gogoetarako, eztabaidarako, elkarrizketarako eta ekintzarako gune bihurtu nahi du, Arabako kultura-sektoreko erakundeak, enpresak eta elkarteak ordezkatzen dituena. Partaidetza-espazio eraginkor gisa proiektatzen da, eta Arabako kultura-sektore osoa ordezkatu behar du nahitaez (erakundeak, enpresak eta elkarteak). Gune horretan, Arabako Foru Aldundiak kontuak eman beharko dizkio Arabako kultura-sektoreari bere kultura-politiken arloan, eta, aldi berean, lurraldeko eragile publiko, pribatu eta elkarteen aniztasunaren bozgorailu izango da, foru-administrazioa orientatzeko Kultura Planetik eratorritako jardueren ezarpenean.

Funtzioak: 

  • Arabako Foru Aldundia kulturaren arloan aholkatzea.
  • Txostenak, irizpenak eta abar egitea/enkargatzea.
  • Arabako Lurralde Historikoko kultura-jardueren eta -programen diseinuan, ebaluazioan eta jarraipenean parte hartzea. Kultura-politikak, oro har, eta Kultura Plana, bereziki, etengabe kontrastatzea.
  • Kultura- edo arte-politikan eragina duten arau- eta erregelamendu-proiektuei eta plan estrategiko, sektorial eta zeharkakoei buruzko txostena.
  • Sailaren aurrekontu-proiektuari buruzko informazioa jasotzea.
  • Zehaztu daitezkeen beste batzuk: kultura-politikak eskubide kulturalaren kontzeptuan aplikatzea, Agenda 2030, etab.

Eranskina

Arabako Kultura Batzordeko kideak izendatzea

 

 

Plangintza estrategikoa

 

2023-2028 Arabako Kultura Planak epe ertain eta luzera Arabako Foru Aldundiak lurraldean dituen kultura politikak orientatzen eta gidatzen dituzten 9 ildo estrategiko nagusiak ikusaraziko dituen dokumentua izan nahi du. Plan horrekin batera, 2023-2024 ibilbide orria aurkeztu da, epe laburrean planaren urteko inplementazioa zehazteko, eta dokumentu arin eta malgua da, unean uneko testuinguru kulturalera egokitutakoa.

2023-2028ko Arabako Kultura Plana eskubide kulturalen kontzeptua kul­tura politiketan aplikatzean oinarritzen da. Horiek guztiak datoz Nazio Ba­tuen Batzar Nagusiak 1948ko abenduaren 10ean Parisen aldarrikatutako Giza Eskubideen Adierazpen Unibertsalaren ikuspegi garaikide batetik.

Gaur egun, eskubide kulturalak formalki 3 dimentsiotan aitortzen dira:

  • eskura izateko eskubidea, hau da, dagoen kultura eskain­tzaz gozatzeko eskubidea.

  • eskubidea, kultura sortzeko eskubide gisa ulertuta.

  • hartzeko eskubidea, hau da, inguruko kultura politiketan eragina izateko eskubidea.

 

Plan horrek aintzat hartzen eta garatzen ditu, eta kultura politikaren berezko beste dimentsio batzuetara hedatzen ditu, modu zabalean.

Erreferentziazko bigarren fokua garapen jasangarrirako 2030 Agenda eta haren 17 GJH edo Garapen Jasangarriko Helburuak dira, Nazio Ba­tuek 2015ean onartuak. GJH horiek Arabako Kultura Planean proposatu­tako ildo estrategikoetan eta jardueretan islatzen dira, AFAk lurraldean duen kultura politika iragazkor bihur dezaten. Horri esker, kultura eremu soiletik haratago joan daiteke, betiere kultura politiken eta hezkuntza politiken, genero berdintasunaren, gizarte kohesioaren, ingurumenaren, ekonomiaren eta abarren arteko beharrezko elkarrizketari helduz. Gaur egun, kultura politikek, eraldatzaileak izan nahi badute, ezin dute soilik kultura arloetatik egin. Zeharkako lana funtsezko bihurtu da.

2023-2028 Arabako Kultura Planak printzipio horiek guztiak aldi berean inspiratu, jaso, aldarrikatu eta proiektatzen ditu. Horrek egiten du aldi berean berezi, ausart eta sendo.