Larunbat musikalak formatu txikiko kontzertu eta ekitaldien zikloa da, antzinako musika, musika klasikoa, garaikidea, zarzuela eta beste kultura batzuetako musika errepertorioak barne hartzen dituena. 

2023ko Larunbat musikalen programazioa askotarikoa izango da aurten ere, eta bultzada berezia emango zaie gazteei eta tokiko artistei. Soinu eskaintza desberdina izango da, azken batean. Izan ere, ziklo horretan bertako artista ugari izaten da beti, baina, era berean, beti egoten da tokia Euskadiko eta Espainiako beste leku batzuetako interpreteen talenturako eta garapenerako. 

Hasteko, urtarrilaren 13an, 12:30ean, Arte Ederren Museoan, Iluna Producciones nafarrek El pincel mágico ipuin musikala aurkeztuko dute; Gabonak luzatzeko asmoz, Errege Magoek haurrei egingo dieten azken oparia izango da (hiru urtetik aurrerako umeentzat gomendatua).

EL PINCEL MÁGICO

Ipuin musikala da, musika klasikoa txikienei hurbiltzen diena.
Gainditze dinamiko, baikor, bizi eta errazeko istorioa, haur guztiek jarraitzeko modukoa. Mozart, Liszt, Beethoven, Vivaldi, Rossini, Massenet eta abarren pasarte ezagunekin abestuta, letretan haur adinera egokitutako hizkuntza erabiltzen du.
Celiak margolaria izatea zuen amets, baina bere familia pobrea zen eta ezin zuen pinturarik edo pintzelik erosi. Baina ametsaren atzetik joan zen, eta egun batean azti baten opariak saritu zuen: pintzel magikoa! Celiak pintatzen zuen guztia bizia zen! Boya, herriko burua, gizon diruzale eta bihozgabea, laster saiatu zen bereganatzen...

ILUNA PRODUCCIONES (NAFARROA)

MIGUEL GOIKOETXANDIA

Antzerkigile eta zuzendaria, 40 antzerki-titulu propio baino gehiagorekin, Nafarroako antzerkigile ezagunenetako bat da, Vencidos, Con los ojos abiertos, Perséfone edo Ana Montañaren ipuin-saga bezalako tituluei esker. Iluna Producciones-en sortzaile eta zuzendaria, gaur egun Nafarroako Arte Eszenikoen Profesionalen Elkarteko (Napae) burua ere bada eta Nafarroako Kultura Kontseiluko kidea. 80 lan profesional baino gehiago zuzendu ditu, eta 200 baino gehiagotan parte hartu du aktore gisa. Interpretazio- eta dramaturgia-eskolak eman ditu, eta Nafarroako konpainia profesional asko zuzendu ditu.
2020ko Victoria Kent poesia saria jaso zuen.

RAQUEL SÁNCHEZ CORCUERA

Aktorea, Giza Zientzietan lizentziatua, Historia eta Ondarean masterra eta Kultur Kudeaketan graduondokoa. Antzerki irakaslea izan da eta film eta film laburretan parte hartu du.
"Buhos contra dragones. Una defensa de las Humanidades ", 3 antzezlan eta hainbat kontakizun.
Argiztapen eta soinu teknika bezala lan egin du eta hau da bere lehen lana Iluna Produccionesekin.