Ipar Eszena Bidea 2023ko Konstelazio Ibilbidea - kulturaraba
Ipar Eszena Bidea 2023ko Konstelazio Ibilbidea
Kultura eta Kirol Sailak kultura ekintzak antolatzen laguntzen du, Arabako lurraldeko kultura jarduera bizkortzeko eta Arabako herritarren eskaerei erantzuteko bide gisa. Ildo horretan, 2022an egin zuen bezala, programa honetarako babesa aurkezten du: “IPAR ESZENA BIDEA 2023KO KONSTELAZIO IBILBIDEA”.
Ipar Eszena Bideak bidezidor artistiko gehiago egiten ditu bosgarren edizioan
Agertoki gehiago, funtzio gehiago, jarduera gehiago eta lankidetza gehiago. Ipar Eszena Bideak (CEN) bosgarren edizioa ospatuko du, Galizian, Asturiasen, Kantabrian, Euskadin eta Nafarroan konpainia, profesional eta publikoen trukea areagotuz.
“Bat egiten duten bidezidorrak” leloak irailaren 17tik urriaren 22ra bitartean egingo den programazio ofiziala deskribatzen du, 15 antzerki, dantza eta mugimendu-arte konpainiarekin eta zirku berriarekin, eta Konstelazioen Ibilbidea osatzen duten 60 egoitza ingurutan erakusten ditu bere ikuskizunak.
Konstelazioen Ibilbidea 2023 -ARABA
Ibilbidea irailaren 22tik urriaren 22ra egongo da gure probintzian.
Lehengo topagunea irailaren 22an, ostirala, izango da Bastidan, Xanpatito Pato galiziarren eskutik, eta hurrengo egunean, Irailaren 23an, Levelibular nafar konpainia Gasteizko katedralaren plazan lurreratuko da.
Irailaren 29an, Zigoitian, Luz de Gas Teatroz gozatzeko aukera izango dugu. Azkenik, Kantabriako Malabaracirco konpainiak itxiko du Arabako ibilbidea urriaren 22an, Agurainen.
Emanaldi guztiak publiko guztientzat dira egokiak eta doakoak izango dira.
Informazio gehiago:
Ipar Eszena Bidea proiektua
Ipar Eszena Bidea arte eszenikoen hainbat elkartek sustatutako proiektu bat da, eta Donejakue Bideen ibilbide historikoa programazio eszeniko bizirako erreferentzia gisa hartzen duen kultura-trukerako ibilbide baten inguruan egituratzen da. Arte eszenikoen bidez Galizia, Asturias, Kantabria, Euskadi eta Nafarroaren artean kultura trukatzeko proiektua da.
“Konstelazioen ibilbidea”, Ipar Eszena Bidea proiektua egituratzen duen ardatza, arte eszenikoen emanaldi ibilbidea da, Zangozatik Compostelako Donejakueraino igaroko dena.
