Topaketak. KulturAraba Bulegoaren ezagutza gunea - kulturaraba
Topaketak. KulturAraba Bulegoaren ezagutza gunea
Topaketak. KulturAraba Bulegoaren ezagutza gunea du izena Arabako kultura eta sorkuntzaren sektoreari arreta emateko prestakuntza programak. Bulegotik egin duten entzute aktiboaren emaitza dira jardunaldiak, eta sektoreko profesionalek azaldutako kezka nagusiak lantzea da horien helburua.
KulturAraba Bulegoa Arabako Foru Aldundiaren eta Gasteizko Udalaren arteko lankidetzaz sortutako proiektua da.
Asistentzia librea izango da, aldez aurretik izena emanda.
Otsailaren 20a, osteguna
Kulturako eta sorkuntzako eragileentzako deialdiak
Arabako Foru Aldundiak eta Gasteizko Udalak eskaintzen dituzten laguntzak eta bekak ezagutzera emateko, eta dirulaguntza lerro horietara edo beste batzuetara aurkezteko proiektuak prestatzen eta aurkezten laguntzeko, KulturAraba Bulegoak egokitzat jo du jardunaldi bat proposatzea, lurraldean ditugun aukeren berri emateko.
Jardunaldia amaitzeko, proiektuak diseinatzeko lantegi bat egin zen, non gakoak azpimarratuko baitziren.
Urriaren 28a, asteazkena, 18:00 - 20:00
MOTIBAZIOA, ERREAKZIOA ETA AUTOZAINKETARAKO TRESNA PROFESIONALAK.
Marta C. Dehesa (Cola de perro)
Arte eta kultura sare bat dago, sormena, trebetasuna eta talentua dituena, baina oso modu prekarioan eta batere jasangarria ez den eran egiten du lan.
Prestakuntza eta informazioa ezinbesteko tresnak dira norberaren "ohitura txarrak" aldatzeko, bai eta esparru juridiko, laboral eta fiskala aldatzea eta jardunbide egokiak ezartzea bultzatuko duen ekintza kolektiboari eusteko ere. Negoziatzeko gaitasuna eta indarra, erabakitzeko ahalmena, eta segurtasun juridikoa ematen dizkiguten tresnak dira, eta gure eskubideak hobeto defendatzen laguntzen digute. Eta, batez ere, konfiantza eta segurtasuna ematen dizkigute.
Inoiz baino beharrezkoagoak dira orain, krisiaren zeharkako ondorioak eta ondorio zuzenak gainditzeko, etengabe krisian dagoen sektore honetan.
Marta C Dehesa (www.coladeperro.com) abokatua da, eta aholkularitza profesionala ematen du kulturaren sektorean. Aholkularia, irakaslea eta abokatua da eta jabetza intelektualean aditua, bai eta negoziazio tresnetan eta jardunbide egokietan, eta artista, sortzaile, elkarte, eskola eta erakundeentzako lan, zerga eta merkataritza baliabideetan ere.
Azaroaren 18a, asteazkena, 18:00 - 20:00
KULTURA ETA GARAPEN JASANGARRIA. Begoña Guzman (Unesco Etxea)
Kultura: garapen iraunkorraren zutabea.
Kultura giza izaeraren zati bat da, eta 2015ean garapen jasangarrirako 2030 Agenda onartzean, nazioarteko komunitateak kulturak garapen jasangarriaren eragile gisa duen funtzioa ere onartu zuen. Saio honetan, kulturak eta garapenak osatzen duten binomio banaezin horren ibilbideari helduko diogu, inpaktu-adierazleak, azterketa-kasuak eta kulturatik Garapen Iraunkorreko Helburuak lortzen nola lagundu identifikatuko dugu.
Abenduaren 16a, asteazkena, 18:00 - 20:00
Gaur, inoiz baino gehiago, beharrezkoa zaigu kultur proiektuak sormenetik eta pertsona, erakunde eta eragileen arteko loturak bilatzetik sustatzea.
Ezinbestean beste batzuekin egin behar dugun horretarako, elkar batzen gaituen helburu bat eraikiz, begirada eta enfoke desberdinak batuz, elkarrekiko inplikazioa bilatuz… zer kontuan hartzea izan daiteke lagungarria?
Partaidetza eta ko-sorkuntza prozesuetan dugun esperientziatik abiatuta, kontuan hartu beharreko lehen gako batzuk partekatuko ditugu.
Ikastaroa emango dute: Prometea, Iciar Montejok eta Zorione Aierbek osatutako tandema da. 2003tik lanean dihardu partaidetza- eta kosorkuntza-prozesuak diseinatzen, errazten eta dokumentatzen, hainbat esparru eta erakundetan.
2019/09/25. Lehiaketa publikoak eta dirulaguntzak
Saioren helburua dirulaguntzak lortzeko prozesuaren berri ematea da. Non argitaratzen diren eta nola ulertu behar diren azaltzetik hasita, nola aurkeztu eta justifikatu behar diren arte.
Aitzol Batiz AISILAN XXI, S.L. enpresaren sustatzaile, bazkide fundatzaile eta koordinatzaile nagusia da, KULTIBA cambios culturales kultura aholkularitzako kooperatibaren koordinatzailea, eta Euskadin kulturaren berrikuntza eta berrikuntzaren kultura sustatzeko KARRASKAN elkartearen batzorde eragilearen kidea.
2019/10/30. Fiskalitatea kultura sektorean
Eragileei beren proiektu eta entitateekin lotuta lege eta zerga arloetan sortzen zaizkien zalantzak argitzen saiatuko dira jardunaldian.
Luis Hidalgo Zuzenbidean lizentziaduna da. Abokatutzara sartzeko masterra eta enpresa kooperatiboen kudeaketako masterra ditu. 2004tik 2013ra arte CANen zenbait bulegoren zuzendaria izan da. 2013tik ZUZENBIDE KONTUAK enpresaren bazkide langilea da.
2019/11/27. Publikoen garapena.
Kultur proiektuetatik herritarrekiko harremana nola landu aztertuko da. Audientzien garapenaz ikuspegi holistiko batetik hausnartuko da, kultura antolakundeen lan-ildo ezberdinekin lotuz: sorkuntza, bitartekaritza, komunikazioa, programazioa, etab.
Teklak estudio bat da, sormena, ezagutza eta pentsamendu kritikoa sustatzen duten eragileei proiektuak aktibatzen eta sendotzen laguntzen diena.
2019/12/18. Kulturarekin lotutako enpresa gisa, finantzaketa lortzeko moduak.
Kulturarekin lotutako enpresentzat eta sorkuntza proiektuak (ideia edo garapen fasean) dituzten pertsonentzat dauden finantzaketa-eredu ezberdinak landuko dira.
