Begira hemen San Prudentzio eta Estibalizko Andre Mariaren argazkiak 2023

Maider Leturiagak sortutako Festara kartel iragarleak ondo aurreratu zuen bezala, arabarrak Arabako 2023ko Jaietarako deia sentitu eta haiek gozatzera animatu ziren, ohiko poztasunez.

Arabako Foru Aldundiak 80 jai-ekitaldi baino gehiago antolatu zituen San Prudentzio eta Estibalizko Andre Mariaren omenez, eta, oro har, guztiak ondo hartuak izan ziren eta jendeak parte hartu zuen. Probintzia plaza bete egin zen Fernando Albizu aktoreari entzuteko pregoian, Arabako zinemaren omenez.  Erretreta distiratsua izan zen Algara Dantza Taldeko dantzarien gazteria eta talentuarekin, Azikarteko ikuskizunaren berezitasunarekin eta Kai Nakai abeslari arabarraren modernitatearekin. Danborrek eta musikak poztu egin zuten danborradetan parte hartu zuten guztien bihotza. 

Urtero jai horiek direla eta egiten den odol-emate kanpainak ere oso erantzun ona jaso zuen, eta 47 pertsona hurbildu ziren odola ematera.

Apirilaren 28an, milaka pertsonak bete zituzten Armentiako zelaiak eguzkitan, bero eta giro onean: San Prudentzio ohoratzeko osagairik onenak. Kontzertuek eta programatutako beste jarduera batzuek ere harrera ona izan zuten. Probintzia plaza erabat beteta geratu zen berriz ere, danborrada txiki jendetsuaz gozatzeko. Argi eta garbi geratu zen jaiek etorkizun ziurtatua dutela.

 

Gasteizko kaleak musikaz eta kolorez bete ziren hurrengo egunetan, eta adin guztietako arabarrek tradizioarekiko eta gastronomiarekiko maitasuna erakutsi zuten, jaiaz gozatuz hiriko bazter guztietan. Dagoeneko finkatuta dauden ekitaldiek, hala nola kuadrilletako erakusketak eta lehiaketa gastronomikoek, protagonismoa partekatu zuten duela gutxi programan txertatutako ekitaldiekin, esaterako Beste Bat kontzertuarekin edo Gasteizko Dantza Txapelketarekin.

Jaiak maiatzaren 1ean amaitu ziren, Estibalizko erromeriarekin. Hara joan zirenek, besteak beste, ezinbesteko festa ekitaldiez gozatu ahal izan zuten bertan, hala nola aurresku eta dantza solteko txapelketa eta aire zabaleko pintura azkarreko lehiaketa.

Jarraian, hitzordu horietako batzuen ARGAZKI GALERIAK aurkezten dira. Gozatu berriro San Prudentzio eta Estibalizko Andra Mariaren omenezko 2023ko jaietako unerik onenak gogoraraziz. LEHEN ARGAZKIAN KLIK EGIN GALERIAREN GAINERAKOA IKUSTEKO.

ASTEARTEA, APIRILAK 25

• Pregoia Arabako 2023ko Jaiak iragartzeko

 

Pregoia, Fernando Albizu Ruiz de Alegría. Arabako zinemari omenaldia.

Itziar Yagüeren kontzertua ahotsean, hauek lagunduta: Daniel Domínguez baterian, Francisco Serrano kontrabaxuan eta Paul San Martín pianoan.

OSTEGUNA, APIRILAK 27

• San Prudentzioren erretreta

 

San Prudentzio erretreta joko dute, Arabako Foru Aldundiko eta Gasteizko Udaleko tronpetariek eta atabalariek.

Erretretako joaldien artean, honako hauen emanaldiak: Algara Dantza Taldea /Azirkarte /Kai Nakai 

Bukatzerakoan,  ikuskizun piromusikal ekojasangarria.

• San Prudentzio danborrada

 

Parte hartzen duten gastronomia elkarteak Probintzia plazan biltzen dira. Gero, desfilea egingo dute Erdi Aroko hirigunean eta erdialdeko kaleetan.

OSTIRALA, APIRIALK 28

• Egitaraua hirigunean

 

ZORTZIKO

Arabako Foru Aldundiko txistularien eta tronpetarien bandak “Araba” zortzikoa jotzen du.

HAURREN DANBORRADA

• Armentiako egitaraua

 

Prozesioa Basilikaren kanpoko aldean, ondoren, meza. Ohorezko aurreskua.  

LARUNBATA, APIRIALK 29

• KOADRILLEN ERAKUSKETA ETA LEHIAKETA GASTRONOMIKOAK

 

 

 

Gastronokmia lehiaketak.

Arabako ohiko plateren LVI. lehiaketa. Arabako Errioxako ardo dastatzearen LII. lehiaketa.

Kuadrillen erakusketa.

Arabako Kuadrillek eta Trebiñuk hartuko dute parte Arabako Lurralde Historikoa sustatzeko ekimenetan.

IGANDEA, APIRILAK 30

• Gasteizko dantza txapelketa.

 

 

ASTELEHENA, MAIATZAK 1

• Estibalizko programazioa 

 

 

EGITARAUA JAITSI