Erretretak 2023ko San Prudentzio eta Estibalizko Andre Mariaren jaietako egitarauaren barruan egiten den ekitaldi garrantzitsuenetako bat da.

SAN PRUDENTZIO ERRETRETA 2023

San Prudentzio erretreta joko dute Aldundiaren jauregiko balkoitik, Arabako Foru Aldundiko eta Gasteizko Udaleko Tronpetariek eta Atabalariek.

 

Erretreta jotzeen artean, honako hauen emanaldiak izango dira:

Algara Dantza Taldea 

Egunerokoan aurre egin beharreko oztopo eta traba guztien aurrean... BIZI

Lagunekin, familiarekin, bikotekidearekin, auzokideekin... BIZI

Bihar azken eguna izango balitz, musikaz eta dantzaz... BIZI.

BIZI Algara Dantza Taldeak aurtengo Erretretan aurkeztuko duen ikuskizunaren izena da. 

Dantzari gazteen talde hau 2000. urtean sortu zen Gasteizen, eta harez gero etengabe berritzen aritu da dantzaren munduan.  Haren koreografiek, joera artistiko berriekin, dantza tradizionala eta dantza modernoa nahasten dituzte. Beren ikuskizun berria horrela aurkezten digute:

BIZI gure egunerokotasunean aurre egin behar diogun guztian oinarrituta dago. Garai latzak bizi izan ditugu, pandemiak eta bere ondorioek oso gogor kolpatu gaituzte, gure bizi-ereduak okerrera egin du egunak aurrera joan ahala, baina dantza da aurrera jarraitzeko gure arrazoia, gure babesa; gurea eta askoz jende gehiagorena. 

Hori da guretzat dantza, errutinatik ihes egiteko aukera eta haize freskoa arnastekoa. Hori da, hain zuzen ere, BIZI, eta transmititu nahi duguna: MOMENTUA BIZI, EDOZERI AURRE EGIN ETA BIZI BIZITZA. 

Hau eta askoz gehiago izango da BIZI. Hunkitzeko, negar egiteko, barre egiteko eta pentsatzeko aukera emango digun ikuskizuna, azken batean, bizitzeko eta BIZITZAZ gozatzeko aukera.

 

Azirkarte Elkartea - Aniztasuna

Dibertsitate funtzionala duten gazteek egindako zirku sozialaren erakusgarri da ANIZTASUNA. Sartu eta ikusi inklusiorako eta hazteko beste modu bat, zeinean garrantzitsuena ez baita perfekzioa, baizik eta erakustea, frogatzea eta aurreiritzirik gabe begiratzea. Beraz, utzi aurreiritziak eta disfrutatu zirkua! Has dadila emanaldia. Sartu eta sentitu!

 

Kai Nakai

KAI NAKAI ahots eta espiritu askea da. Emakumezko ahots indartsu eta independente honek, urban estiloen paleta osoa eskaintzen du, konplikaziorik gabe, genero estereotipoak alde batera utzita, errealitate berriak sortzen dituzten pentsamendu eta erritmo libreen bitartez. Gasteiztik datorren haize freskoa bezala, Kai Nakaik euskaraz abesten du eta euskal kultura irudikatzen du.
“Baimenik gabe” lehenengo diskoa kaleratu zuenetik, askatasuna sustatzen duten letrei esker, gizarteak urteetan ezarri dituen patroiak deuseztatu nahi ditu. 

Ildo berdina jarraituz, “Maitia” izeneko bigarren diskoan, maitasun-istorio baten faseak aurkezten dira 5 abestiren bidez: lehen maitasunetik hasi, maitasun toxikotik igaroz, norberaren maitasuna, maitemina eta benetako maitasuna lortu arte. Gasteiztik mundura, 
Gaur egun, Kai Nakai disko berrian lan egiten ari da, eta 2023aren amaieran kaleratuko du.
Kai Nakaik bere ahotsa altxatzen du, berdintasuna oinarri eta aurreiritziak alde batera utzita, gizartea zutik jartzeko. Eta zuk, bat egiten duzu aro berri honekin?

Erretretaren amaieran ikuskizun piromusikal ekojasangarri bat egongo da 

EGITARAUA JAITSI