Kontzertu hau maiatzaren 30etik ekainaren 14ra Gasteizen, Agurainen, Bastidan eta Villabuenan egingo den Arabako Organo Jaialdiaren XXXVIII. edizioaren parte da.

 

Miriam Cepeda

Bilbon jaio zen, eta Juan Crisostomo de Arriaga Goi Mailako Musika Kontserbatorioan ikasi zuen. Pianoaren, solfeoaren eta pedagogia musikalaren goi mailako tituluak lortu zituen. Ondoren, Donostian dagoen Euskal Herriko Goi Mailako Musika Ikastegiko (Musikene) titulazioa lortu zuen, lor daitekeen nota onenarekin.

Pianoa, organoa eta inprobisazioa hobetzeko ikastaroak egin ditu, irakasle hauen eskutik: O. Latry, M. Bouvard, M. Torrent, D. Roth edo L.F. Tagliavini.

Hainbat kontzertu eskaini ditu hainbat lekutan: Valladolideko katedrala eta Huelgas Realesko monasterioa, Sto. Toribio de Liébanako monasterioa, Kantabriako "Tardes Musicales" organo zikloa, Caja Kantabriako "Ciclo de Músicas Religiosas", Donibane Lohizuneko "Musique en Côte Basque" jaialdia, Arabako Organo Jaialdia, Organo Barrokoaren Ataungo Nazioarteko Jaialdia, eta organoaren Andorrako Printzerriko eta Santanderreko (FIS) nazioarteko jaialdietan, besteak beste.

Abesbatza desberdinekin jardun ohi da: Barakaldoko Kantarte Gazteder abesbatza, Bizkaiko Ingeniarien Musika Elkarteko abesbatza (musika sakratuko disko bat atera du haiekin, eta Bilbon, Leonen, Bordelen edo Salzburgon jardun dira) eta Bilboko Rossini abesbatza (G. Sierraren bi lanen estreinaldi absolutua egin zuen haiekin).

2006az geroztik, duo bat dauka L. A. Requejo klarinetistarekin, zeina Bilboko Orkestra Sinfonikoko bakarlaria baita, eta harekin kontzertuak eta birak egiten ditu Frantzian eta Eslovakian. Gainera, Bilboko Begoñako Andra Mariaren Basilikako organista eta Santanderreko Jesús de Monasterio Kontserbatorioko organo irakaslea da, eta, aldi berean, kontzertuak ematen ditu.

 

Filigrana Vocal

2020. urtearen hasieran sortu zen, haren zuzendari Arantza Abiánen eskutik, emakumeen ahots talde erreferentziazko bat izateko.

Hango kideak ESCMn (Madrilgo Kantu Eskola), Salamancako Kontserbatorioan, Katarina Gurska Goi Mailako Zentroan... prestatutako abeslari profesionalak dira, eta, gainera, maila honetako jendearen masterclass-ak jaso dituzte: Josefina Arregui, Ana Luisa Chova, Sylvia Swartz Nicola Beller Carbone, Teresa Berganza, Cristina Miatello eta abar. Gehienek beste espezialitate instrumental edo pedagogiko batzuetako ikasketak ere badituzte.

Ibilbide luzea dute agertokietan, bai abesbatzetako kide gisa, hala nola Koru Nazionala, RTVEko abesbatza, Madrilgo Erkidegoko abesbatza, Intermezzo (Teatro Realeko abesbatza) edo ganbera taldeak, bai eta bakarlari ere, penintsulako auditorium nagusietan abestu dutelarik. Abesbatza eta orkestra handien zuzendaritzapean jardun dira, besteak beste: Tamara Brooks, Julio Domínguez, Mireia Barrera, Juanjo Mena...

2021ean, kontzertuak eman zituzten Madrilen, Toledon eta Fuenlabradan, non Europako programa sakratu garaikideari buruzko  aldaketak interpretatu baitzituzten a capella. 2022ko ekainean, Damas Paralelas programa estreinatu zuten, C. Debussy eta E. Chausson-en obrez osatua, Anastasia Chernyavskaya pianistarekin eta Irantzu Bartolomé, Nuria Orbea eta Inés Olabarría bakarlariekin batera, Arantza Abiánen zuzendaritzapean; programa hori dauzkan hurrengo konpromisoen artean dago.

 

Arantza Abián

Bilbon sortu zen, eta Bilboko Koral Elkartean hasi zituen musika ikasketak: pianoa, biolina eta, azkenik, kantua. Espezialitate hori Bilboko Juan Crisostomo de Arriaga Goi Mailako Musika Kontserbatorioan ikasi zuen. Kantu prestakuntza osatzen ari zen bitartean, koru zuzendaritzako eta irakaskuntza eta pedagogia musikaleko ikasketak hasi zituen, eta hainbat euskal abesbatzetako ahots prestatzaile eta Donestebe abesbatzako zuzendari lanak hasi zituen 2006/07 denboraldian.

2007/08 denboraldian Madrilera joan zen. Han, kantu ikasketak egiteaz gain, Espainiako Koru Nazionaleko entseguetara joaten zen egunero, M. Barrera irakaslearen zuzendaritzapean, aparteko baimen batekin, Audite eta Xenakis abesbatzetan ahots teknikaren irakasle gisa lan egiten zuen bitartean; zuzendaritza ikasketak egiten ere jarraitzen zuen.

2014an, Las Tablas abesbatza sortu zuen. Proiektu pertsonal hori eboluzionatu, eta 2018an Sociedad Coral Corona bihurtu zen. Elkarteak Madril hiriaren iparraldeko koru sare bat barne hartzen du, oinarriak Las Tablas, Montecarmelo eta Sanchinarron dituelarik, eta taldeetan haurrek eta adinekoek parte hartzen dute.

Orkestra zuzendaritzaren arloan, J. Mena maisuaren entseguetan parte hartu zuen, baita beste zuzendari batzuenetan ere, hala nola J. Bloxham, J. Axelrod eta P. González, hauekin: Espainiako Orkestra Nazionala, RTVEko Orkestra, BBC Philharmonic, Berliner Philharmoniker, Bremen Kammerphilarmonie eta abar. 2019an jarri zen lehen aldiz orkestra baten aurrean.

2020an, Filigrana Vocal emakumeen ahots talde profesionala sortu zuen. Haren lehen kontzertua Madrilen egin zen, 2021eko apirilean. Harrezkero, Madrilgo, Fuenlabradako eta Toledoko kontzertuetan parte hartu du, eta arrakasta handia izan du kritikan eta publikoan.

 

Programa

 

J. Rheinberger (1839-1901)
Drei lateinische Hymnen:
Regina coeli
Adoramus te
Ave vivens hostia

G. Fauré (1845-1924)
A. Messager (1853-1929)
Messe des pêcheurs de Villerville:
Kyrie
Gloria
Sanctus
O salutaris
Agnus Dei
 

F. Poulenc (1899-1963)
Litanies à la Vierge Noire
 

F. Mendelssohn (1809-1847)
Drei moteten für Frauen Stimmen:
Veni Domine
Laudate pueri
Domenica post pascha
Surrexit pastor bonus (coro)
Tolerunt Dominum meum (duo)
Surrexit Christus spes mea (solo)
Surrexit Christus spes mea (coro)