Bernaola zikloa 22 -23.Musika Garaikideko Naziorteko XIX zikloa.

Bernaola Zikloak egungo euskal eta nazioarteko agertokian garrantzitsuenetakoak diren artisten hautaketa bat aurkezten du, abagunerako Europako konpositore sortzaile eta originaletako batzuk modu esklusiboan konposatutako mundu mailako obren estreinaldi garrantzitsuekin.

Horren erakusle da Juliet Fraser britainiar abeslariak eskaintzen digun kontzertua, zeinak Nwando Ebizie-ren eta Newton Armstrong-en obrak estreinatuko baititu indar, adierazkortasun eta dotorezia hutseko fusio kultural eta teknologiko baten bidez.

Euskal artisten artetik, “Bilbao Sinfonietta” nabarmentzen da, Francisco Domínguezen ganberako opera batekin, eta baita Alfonso Gómezek emango duen piano maratoia ere, oso-osorik interpretatuz Olivier Messiaen-en "Txorien katalogoa" izeneko obra monumentala, eta hori entzuteko aukera aparta izango da.

Bernaolaren talde egoiliarra Ensemble Sinkro da eta bi programa ezberdin aurkezten ditu, bata Musikenetik eta Paris 8 Unibertsitatetik irten berriak diren konpositore gazteei eskainitakoa, eta bestea, berriz, Guillermo Lauzurika gasteiztar konpositorearen musikari eskainitako bere azken lan diskografikoa aurkezteko.

Dantzak, ohi bezala, leku berezia du gure egitarauan, eta Florence Augendre artista izango dugu, oraingo honetan Frank Hammerlé ondoan duela, DanzÁlavaren lankidetzari esker. 

Sorkuntza berriko musika garaikideari eskainitako 14 kontzertu izango dira guztira, dantzarekin eta teknologia berriekin elkarrekintzan, eta horietatik 12 Gasteizko erreferentziazko kultur espazioetan emango dira, esaterako ARTIUMen eta “Jesús Guridi” Musika Kontserbatorioan. Araian eta Bilbon izango dira beste bi kontzertuak.

Kontzertu guztiak doakoak dira. Sarrera doan, edukiera bete arte.

PROGRAMA

Data	Ordua	Artista	Lekua
Larunbata, urriak 22	19:30	Ensemble Kuraia	Jesús Guridi Musika Kontserbatorioa
Larunbata, urriak 29	19:30	Florence Augendre & Franck Hemmerlé	Artium
Larunbata, azaroak 12	19:30	Juliet Fraser	Jesús Guridi Musika Kontserbatorioa
Larunbata, azaroak 19	19:30	Ensemble N	Jesús Guridi Musika Kontserbatorioa
Larunbata, azaroak 26	19:30	Ensemble Sinkro	Jesús Guridi Musika Kontserbatorioa
Igandea, azaroak 27	13:30	Ensemble Sinkro	Andra Mari Arteoa (Araia)
Asteartea, azaroak 29	19:30	Guridi Garaikideak	Jesús Guridi Musika Kontserbatorioa
Larunbata, abenduak 3	19:30	Trío Apellániz	Jesús Guridi Musika Kontserbatorioa
Larunbata, urtarrilak 14	19:30	Ensemble Sinkro	Jesús Guridi Musika Kontserbatorioa
Astelehena, urtarrilak 16	19:30	Ensemble Sinkro	Conservatorio J. C. Arriaga (Bilbao)
Larunbata, urtarrilak 21	19:30	Bilbao Sinfonietta	Jesús Guridi Musika Kontserbatorioa
Larunbata, urtarrilak 28	19:30	Akusma	Jesús Guridi Musika Kontserbatorioa
Larunbata, otsailak 4	18:00	Alfonso Gómez	Jesús Guridi Musika Kontserbatorioa
Larunbata, otsailak 11	19:30	CMC Garaikideak	Jesús Guridi Musika Kontserbatorioa

   

Informazio gehiago http://www.bernaolazikloa.com/

Libretoa deskargatzea

Flyerra deskargatzea

Zikloari buruz

18 edizioren ostean, Bernaola zikloa ezinbesteko hitzordu gisa sendotu da gure lurraldeko kultur egutegian; konpositore, interprete eta publikoaren arteko topagune horrek, gainera, Araba nazioarteko erreferentzia bihurtu du musika garaikide sortu berriaren alorrean. Izan ere, soinu berriak bilatu nahi dituen musikaren jaialdia da, publikoari zerbait aparteko eta magikoa eskaintzearren ikertu eta sortzen duen musikarena.

 

Aurreko edizioak:

BERNAOLA ZIKLOA 2021-22

BERNAOLA ZIKLOA 2020-21