Kontzertu hau maiatzaren 29tik ekainaren 13ra Gasteizen, Aramaion, Laguardian eta Eskuernagan egingo den Arabako Organo Jaialdiaren XXXIX. edizioaren parte da.

Pilar Cabrera

Granadan jaio eta Valladoliden bizi da. Hamalau urte zituela, organista hasi zen Granadako San Matias Eliza Inperialeko organo historikoan. Granada, Malaga, Sevilla eta Bartzelonako kontserbatorioetan eta Düsseldorfeko Goi Mailako Musika Eskolan ikasi zuen. Montserrat Torrent (Bartzelona), Daniel Roth (Paris) eta Rosalinde Haasekin (Frankfurt am Main) ikasketak zabaldu zituen.

1984an, Espainiako Musika Gazteen Interprete Gazteen Lehiaketa Nazionalean Organoko Lehen Saria lortu zuen. 1986an Marbellako Blancafort organo handiaren lehen grabazio diskografikoa egin zuen, CBSrekin. Motette enpresarekin kaleratu duen Die Sonnenorgel von Marbella CDak kritika bikainak jaso ditu nazioarteko musika prentsan.

1982tik bakarlari gisa eta hainbat ganbera- eta sinfonia-talderekin batera aritu da.

Organorako egungo konposizioa sustatzeko duen interesa dela eta, Jesús Legido (Valladolid), Miguel Pérez (Málaga), Ronald Watson (Ingalaterra) eta Guido Donati (Italia) konpositoreen lanak estreinatu ditu.

Marbellako Blancafort organoko organista izan da 1986tik 2004ra. 2005az geroztik, kontzertu-jarduera irakaskuntzarekin eta liturgiarekin uztartzen du. Irakaslea da Gaztelako Musika Zentro Ofizialean eta organista San Andres Apostoluaren elizan eta Valladolideko katedralean.

Kontzertista eta pedagogo gisa lan handia egiten du. Organorako errepertorio zabalaren dibulgatzaile sutsua da, eta zuzeneko kontzertuen 45 cd baino gehiago grabatu ditu.