HUTSUN+ORTZI konpainiak URBASA ikuskizuna aurkezten du Legution.

Ikuskizun hau “Arabako plazetan, Arabako kale arteen zirkuituaren” laugarren edizioaren parte da. Arabako lurralde osoan zehar egingo diren kaleko ikuskizunen eskaintza zabala da. Programa 2020an sortu zen, lurraldean kaleko arte eszenikoak zabaltzeko eta sustatzeko. Foru Aldundiaren eta lurraldeko udalen artean egiten da, Artekalek koordinatuta eta ekoitzita.

Aurten Arabako Plazetan programan 41 antzerki, clown, dantza eta zirku ikuskizun biltzen dira, ekainetik irailara bitartean lurraldeko 39 udalerritan eskaintzeko.

Ikusi programa

Txalaparta doinuen oihartzunak lainoetan zehar, naturaz eta ilusioz beteriko mendia astintzen dute, arnasa lasai hartzen duen mendia. Baina lasaitasun hori amaitu egingo da, ingurune hori indarraren eta teknologiaren bidez hautsiko baitu izaki arrotz batek.