null Arabako Antzinako Musikaren Astea

3.600 ikus-entzulek baino gehiagok gozatu dute 42. Arabako Antzinako Musika Asteaz, tartean gazte gehiagok eta jarraitzaile berriek

3.600 ikus-entzulek baino gehiagok gozatu dute

Arabako Antzinako Musika Astea Espainian tradiziorik handiena eta  nazioartean oihartzuna duten antzinako musika jaialdietako bat da, eta 3.600 ikus-entzule baino gehiago 
izan ditu 42. edizioan. Igande honetan, irailaren 22an, amaitu da, Roberta Mamelik eta Passamezzo  Anticok Fontechako Orgaztarren dorrean emandako kontzertu bikainarekin.

Jaialdiak jarraitzaile berriak eta ikus-entzule gazteagoak erakarri ditu edizio honetan. 10 egun 
izan dira, nazioarteko izar gaztez beteak (Justin Taylor, Sophie de Bardonnèche, Lucie Horsh, Olga  Paschenko, Ignacio Prego eta Tiento Nuovo), eta agertoki berriak (Eguren Ugarte upeltegia, Izkiko  Parke Naturala, Orgaztarren dorrea), ziklo berriak (Emakumeak musikan, Gure musikari gazteak,  Elkarguneak) eta hiru ikastetxerekin lankidetzak izan dira (Musikene, Bilboko Juan Crisostomo de  Arriaga Kontserbatorioa eta Gasteizko Jesus Guridi Kontserbatorioa).

Halaber, haurrentzako gorputz  perkusioko bi tailer egin dira. 

 

 

Jende asko, eta jarduera berriekiko interes handia  

“Antzinako Musika Astea musikaren erreferente bihurtu da gure lurraldean, bai eta hitzordu entzutetsuenetako bat ere. Horren erakusgarri da ‘sold out’ egotea. Edizio honetan, beste kalitate jauzi bat egin da, programazio berritu eta erakargarria izan baitu, eta horrek lagundu du Astea birkokatzen generoaren jaialdi europar handien testuinguruan", adierazi du Ana del Val Kultura eta Kirol Saileko foru diputatuak.

"Edizio honen helburua izan da antzinako musika zabaldu eta biziberritzea, kultura sarea indartzea eta landa ingurunera iristea, eta hori guztia berdintasunaren eta belaunaldien arteko bizikidetzaren alde egin eta konposizioan eta interpretazioan emakumeari balioa ematen zaion bitartean", erantsi du Del Valek.

 

 

"Jende asko bildu duen jaialdia izan da, 3.600 ikus-entzule baino gehiago izan baitira egin ditugun kontzertuetan eta jarduera paraleloetan.” 

“Aurreko edizioetan baino ikus-entzule gazte gehiago izan dugu, eta orain arte inoiz bertaratu ez diren pertsonen interesa piztu dugu, oraingoan Eguren Ugarte upeltegietara, mendi ibilaldi musikaletara edo haurrentzako hezkuntza ekintzetara etortzea erabaki baitute", adierazi du Carmen Martínez Guerra jaialdiaren zuzendariak, balantzea egin duenean. "Edukiari dagokionez, oso programa erakargarria aurkeztu dugu, duen kalitate artistikoa dela eta. Oso irudi freskoa eta bizia izan du. Nazioarteko goren mailako interpretatzaile gazteak izan ditugu", gaineratu du Martínez Guerrak, egin duen balorazioan.

 

 

Eskerrik beroenak tartean izan diren erakunde eta pertsona guztiei

Bai Arabako Foru Aldundiak bai jaialdiaren zuzendariak bihotzez eskerrak eman nahi dizkiete kontzertuak eta jarduerak egin diren toki bakoitzeko arduradun eta pertsona guztiei, jaialdia antolatzearen alde ahalik eta gehiena inplikatu direlako. 

Hain zuzen, honako hauei: Santa Maria Katedrala Fundazioa, Done Petri eliza, Ignacio Aldecoa kultura etxea, Eguren Ugarte upeltegiak, Arabako Arte Ederren Museoa, Armentiako San Prudentzioren basilika, herritarrak eta Guardia, Apilaiz, Aramaio eta Fontechako udalak. Eta hezkuntza erakundeei (Musikene, Gasteizko Jesus Guridi Kontserbatorioa eta Bilboko Juan Crisostomo de Arriaga Kontserbatorioa).

 

Ikus-entzule gazteak eta haien konpromiso soziala indartzea, funtsezkoa 2025erako

"Arabako Antzinako Musika Asteak" dagoeneko 2025eko edizioa darabil buruan, xede honekin: "lanean jarraitzea, Musika Asteko ikus-entzuleei kalitate eta proiekzio handieneko artistak eskaintzeko. Gogotik ahaleginduko gara hobetu daitekeen guztia hobetzeko, ikus-entzuleek esperientziarik onena izan dezaten eta musikarik onenaz gozatu ahal izan dezaten", esan du, amaitzeko, foru arduradunak.

"Gure helburua da lanean jarraitzea ikus-entzule gazteen presentzia indartzeko, eta, beraz, hezkuntza alderdiak lantzen jarraituko dugu. Konpromiso sendoa dago alderdi sozialarekin. Gizarte osora iritsi nahi dugu, baita Musika Astera joan ezin dutenengana ere. Saiatuko gara geu iristen haiengana.  Konpromisoa dugu Arabako landa eremuekin, eta, beraz, kontzerturik onenekin eremu horietara iristeko lan egingo dugu", esan du, bukatzeko, Carmen Martínez Guerrak.

Web Ofiziala 

 

 

Ana del Val Kultura eta Kirol Saileko diputatuak eta Carmen Martínez Guerra Antzinako Musika Astearen zuzendari artistiko berriak.

40 URTETIK GORAKO BERMEA DU EKIMEN OSPETSU HORREK


Arabako Foru Aldundiak antolatzen duen Arabako Antzinako Musika Asteak Erdi Aroko,
Errenazimentuko eta barrokoko piezak garai haietako musika tresnez jotzen diren kontzertuak
eskaintzen ditu urtero, irailean.

Erreferentzia da Espainian, eta oso ezaguna probintzian. Gasteizko hainbat agertokitan egiten da
(Santa Maria katedrala, Done Petri eliza, Done Bikendi eliza, Eskoriatza-Eskibel jauregia edo Goiuri
jauregia), baita Arabako lurralde historikoko hainbat tokitan ere. Jaialdiaren historian Espainiako eta nazioarteko artista, zuzendari eta talde ospetsuak izan dira.

Arabako Antzinako Musikaren Astean, Espainiako eta nazioarteko artistek parte hartu dute, hala nola Carlos Mena, Sara Mingardo, Emma Kirkby, Jordi Savall, Vittorio Ghielmi, Kenneth Weis, Pierre Hantaï, Hopkinson Smith; zuzendarien artean, aipa ditzagun Eduardo López Banzo, Peter Phillips, Fabio Biondi eta Rinaldo Alesandrini; eta taldeen artean, Tallis Scholars, Il Giardiano Armonico, Europar Batasuneko Orkestra Barrokoa, Orquesta Barroca de Sevilla, Al Ayre Español, His Majesty’s Sagbutts and Cornetts eta abar luze bat.

Aurreko edizioak

Facebook Twitter