Arabako 2026ko jaiak iragartzeko kartel lehiaketarako deialdia

Aldundiko Kultura eta Kirol Sailak, San Prudentzio eta Estibalizko Andre Mariaren omenezko Arabako Jaiak direla eta, iragarpen-kartela egiteko lehiaketarako deia egin du.

Aurreko urteetan egin zen bezala, sari finalistetako bat GAZTE  kategoriari dagokio: Kategoria berri horretakoak izango dira arteekin eta/edo diseinuarekin lotutako ikasketa ofizialak egin dituztenak edo egiten ari diren 25 urtetik beherakoak.

Lehiaketaren helburua artisten sorkuntza eta parte hartzea sustatzea da, bereziki gazteena, eta jai horiei ahalik eta zabalkunde handiena emango dien diseinua saritzen saiatzea. Bi baldintza horiek deialdi hau ALHAOn argitaratzen den egunean izan behar dituzte beteta.

Hona hemen emango diren sariak:

1. 350,00 euroko sari bat modalitate orokorreko bost hautagaitza finalistetako bakoitzarentzat, dagokion atxikipena izango duena.

2. 350,00 euroko saria Gazte modalitateko proposamen irabazlearentzat, dagokion atxikipena izango duena.

3. 1.400,00 euroko saria lehiaketako proposamen irabazlearentzat. Kopuru hori bateragarria da 350,00 euroko zuzkidurarekin, bai kategoria orokorrean finalista izateagatik lortutakoarekin,bai Gazte modalitateko proposamen irabazlea izateagatik lortutakoarekin. Horrenbestez, irabazleak 1.750,00 euroko ordainketa bakarra jasoko du, eta dagokion atxikipena izango du.

PARTE HARTZEA

Kategoria orokorrean parte hartzeko dosier bat aurkeztu behar da. Dosierrak 3 eta5 ilustrazio edo diseinu artean izan beharko ditu, eta horietatik 2 gutxienez kartelak izan beharko dira. Kartelak lehendik egindako lanak edo simulazioak izan daitezke.

GAZTE kategorian parte hartzeko kartel- kartelaren proposamen bakarra aurkeztuko da PDF formatuan. Berrikuntza gisa, aurten GAZTE kategoriako parte-hartzaile bakoitzak kartel bat baino gehiago aurkeztu ahal izango ditu

Kartelean testu hauek agertu behar dira:

ARABAKO JAIAK San Prudentzio eta Estibalizko Andre Maria Apirilak 28 – maiatzak 1 / 2026
FIESTAS DE ÁLAVA San Prudencio y Nuestra Señora de Estíbaliz 28 de abril – 1 de mayo / 2026

Kartelaren proposamena argitaragabea izan beharko da, aurretik beste ezein lehiaketatan saritu gabea eta hautagaiak egina. Berariaz debekatuta dago adimen artifiziala (IA) erabiltzea

Abenduaren 11tik, osteguna, zabalik dago proposamenak aurkezteko epea.Proposamenak bidaltzeko azken eguna: 2026ko urtarrilaren 26an amaituko da, 23:59an.

AURKEZTEKO MODUA

Deialdian parte hartu nahi duten pertsonek bide hauetakoren bat erabili beharko dute hautagaitza aurkezteko:

1. Bitarteko elektronikoak: Arabako Foru Aldundiaren Egoitza Elektronikoan horretarako eskuragarri dagoen inprimakia bete behar da. Horretarako, eskatzaileek Arabako Foru Aldundiak onartutako ziurtagiri elektronikoren bat eduki beharko dute. Egoitzan sartu

2. Aurrez aurre: Arabako Foru Aldundiaren Erregistro Orokorrean (Probintzia plaza 5, behea, Gasteiz

ARGIBIDE GEHIAGO

• Izapide elektronikoa

• ALHAO - 2025ko abenduak 10

 

HISTORIA ETA OIHARTZUNA

Kartel lehiaketa historikoa da eta tradizio handikoa lurraldeko diseinatzaileen artean.

San Prudentzioren eta Estibalizko Andra Mariaren omenezko jaiak apirilaren 28an eta maiatzaren 1ean ospatzen dira, eta ohikoak izaten dira barraskiloak, perretxikoak, Armentiako zelaira joatea eta ospakizuna girotzen duten danbor hotsak.

Pandemia urteak gorabehera, lehiaketa egoerari aurre egiten saiatu da, eta mantendu egin da, festaren ekitaldi tradizionaletako asko mugatuta egon diren arren.

Danborren eta upelen soinua entzunarazten duen San Prudentzioren omenezko erretretaren tradizioarekin pareka daiteke lehiaketa, edo Arabako hiriburuan, Gasteizen, Probintzia Plazan dagoen Foru Aldundiaren eraikineko balkoian jotzen dituzten tronpetekin. Ekitaldi hori telebista bidez ikusteko aukera izaten da, eta herritar askok ikusi ohi dute.

AURREKO DEIALDIAK

San Prudentzio eta Estibalizko Andre Mariaren kartel lehiaketa 2025

Naiara Errasti Otaño (Eskoriatza, Gipuzkoa), 20 urtetik gorako esperientzia duen diseinatzaile grafikoa eta ilustratzailea eta Arabako Mooneki estudioaren sortzailea, izan zen San Prudentzio eta Estibalizko Andra Mariaren 2025eko Arabako Jaiak iragartzeko lehiaketa irabazi zuen kartelaren egilea.

Kartel iragarlea: Araba, jaia has dadila!

Kartelaren konposizioan diseinu kolorista eta sinbolikoa nabarmentzen da, eta kartelaren erdian dagoen tronpeta jotzailearen irudia da protagonista. Irudi hori forma geometrikoekin eta lerro dinamikoekin osatuta dago, eta San Prudentzio eta Estibalizko Andra Mariaren omenezko jaien hasiera iragartzen duen pertsonaia bereizgarri eta ezagunenetako bat da.

Tronpeta jotzailearen aurpegiak danborrada tradizionalari keinu egiten dio. Aurpegiaren erdian danbor gorri batek sudurraren tokia hartzen du, eta festaren erritmoaren indarra eta bizitasuna iradokitzen ditu. Bi eskuk konposizioa zeharkatzen duten makilei eusten diete. Banderen eta jantzi tipikoen koloreekin apainduta daude, eta Arabako ospakizun horien aniztasuna eta kultura aberastasuna erakusten dute. Goiko aldean, tronpeta jotzaileak txapel berde bat darama, eta bertan San Prudentzioren Basilika, hango zelaiak eta Estibalizko Andra Mariaren Basilika ageri dira, irudiaren barruan Arabako paisaia eta ondarea txertatuz. Gainerako elementu grafikoek forma eta kolore biziak dituzte, eta jaien esentzia irudikatzen eta haien ezaugarri diren energia, poza eta herri giroa transmititzen dituzte.

Eskuz egindako tipografia organiko eta adierazkorrak, euskaraz zein gaztelaniaz, ekitaldiaren hurbiltasuna eta izaera herrikoia indartzen ditu. Obra diseinu digitalaren bidez egin da, eta paper zimurtua simulatzen duen testura gehitu zaio, tradizioa hizkuntza grafiko garaikidearekin lotzen duen artisau efektua emanez.

Eta Jugatx Gómez Guinea izan zen "Gazte" kategoriako irabazlea, "Erritmoa ez da etentzen" proposamenarekin. 

San Prudentzio eta Estibalizko Andre Mariaren kartel lehiaketa 2024

Laura Cancho López (2004, Arrigorriaga, Bizkaia), Gasteizko IDarteko ikaslea, da San Prudentzio eta Estibalizko Andra Mariaren 2024ko Arabako Jaiak iragartzeko lehiaketa irabazi zuen kartelaren egilea.

Kartel irabazle hori da "Gazte" kategorian aukeratu zutena ere.

Laura Cancho López - Lanaren izenburua: Zirriparra Armentian

· Obraren deskribapena: "Kartelak San Prudentzio basilika erakusten du, eta hainbat pertsonaia haren inguruan interakzioan, konposizio triangeluar, dinamiko eta orekatu batean. Jaietan egiten diren jarduerarik ohikoenak modu dinamikoan bildu nahi izan ditut. Jarduera horiek agertzen  diren pertsona bakoitzarengan ikus daitezke, zeinak gozatzen eta une on bat igarotzen ari baitira. Herritarrez gain, barraskilo talde batek ere badu protagonismoa; eraikinaren hormetan eta teilatuetan gora egiten dute, jaien hasiera iragartzen duen tronpeta jotzaileetako batek erakarrita. Eta ezin ziren perretxikoak falta: basilikaren barrualdetik ziztu bizian ateratzen dira."

· Erabilitako teknikaren deskribapena: "Ilustrazio bektorialaren teknika erabili dut, diseinu lauaren estiloari jarraituz, zeina hiru dimentsioko ilusioa bi dimentsioko ilustrazioen bidez sortzean baitatza. Kasu honetan, itzalak erabiliz lortzen da hirudimentsiokotasuna. Lehendabizi, zenbait pertsonaiaren zirriborroak egin nituen eskuz, eta gero digitalizatu egin nituen, guztiei kolore paleta eta ingerada berbera gehituz. Trazuak arinak eta organikoak izatea nahi nuen, konposizioari dinamismo handiagoa emateko, eta hori bera aplikatu nion testuari, mugimendua transmiti zezan eta estilo grafiko bera izan zezan."

San Prudentzio eta Estibalizko Andre Mariaren kartel lehiaketa 2023

Maider Leturiaga Angoitia, Gasteizen jaioa baina Zarautzen bizi dena, izan da San Prudentzio eta Estibalizko Andre Mariaren 2023ko Arabako Jaiak iragartzeko lehiaketa irabazi duen azken kartelaren egilea. Maider, freelance diseinatzaile grafikoa eta ilustratzailea, Gasteizen egiten den Mazoka, Marrazki eta Ilustrazio Azokaren azken edizioan saria jaso zuen ere. BekaIkaslea eman zitzaion. 

Egilearen beraren hitzetan: "kartelaren Festara! izenburuak dioen bezala, Arabako herritarrei dei egin nahi zaie San Prudentzio eta Estibalizko Andra Mariaren jaietan parte hartzeko.Kontuan hartuta egun horietan askotariko ekitaldiak eta ohiturak daudela, jai egunaren ezaugarri nagusiak jaso eta aniztasun horren dinamismoa adierazi nahi izan dut; izan ere, festa hori hirigunean zein kanpoaldean bizi ohi da. Hori dela eta, egun horietako protagonista nagusiak modu fantastikoan agertzen dira mugimenduan, denak batera jairako bidean, eta festa koloretsuaren gonbita zabaltzen zaie herritarrei”.

 

Kategori berria: GAZTE

Berritasun gisa, 2023an sari finalistetako bat GAZTE  kategoriari egokitu zaio Kategoria berri horretakoak izan dira arteekin eta/edo diseinuarekin lotutako ikasketa ofizialak egin dituztenak edo egiten ari diren 25 urtetik beherakoa. Helburua diseinatzaile gazteenak lehiaketetara aurkeztera animatzea izan zen.

Gazte lehiaketaren lehen edizio honetan, 23 urteko Paula Páez Carasa arabarra izan zen irabazlea, "Santuaren merienda" izeneko kartelarekin.

Maider Leturiagak  1.250 €-ko saria lortu zuen Paula Paezek eta beste 2 finalistek 250 €-ko saria lortu zuten.
 

Prentsa oharra

San Prudentzio eta Estibalizko Andre Mariaren kartel lehiaketa 2022

Cristóbal Aguiló Domínguez (Bromley Kent-en, Ingalaterran, jaioa eta Cartagenan, Murtzian, bizi dena) izan zen 2022ko San Prudentzioko eta Estibalizko Andre Mariaren Arabako jaiak iragartzeko kartel lehiaketaren irabazlea

 

Bost finalisten artean hautatu zuten plastilina teknikarekin egindako obra.

 

Honela deskribatu zuen irabazleak bere kartela: “Kartelean jaietako ekitaldi tipikoen eta ekitaldi aipagarrienen aniztasuna irudikatzen saiatu naiz. Ziur nago gauzaren bat ahaztu zaidala, ezinezkoa baita dena jasotzea, baina helburua zen egun horietako ospakizunen poza islatuko zuen lan dibertigarria sortzea. Horregatik, gauzak pasatzen diren kartel bat da, eta keinu eta bihurrikeria maleziagabez beteta dago (erretreta, danborradak, txistulariak, debozioa, gozoki tipikoak, herri kirolak), eta ikuspegi desberdin eta dibertigarria du, baina nahiago dut jendea pixkanaka konturatzea kartela behatzean. Hori bai, kontuz barraskiloekin”.

Irabazleak 1.300 €-ko saria lortu zuen. Irabazi ez zuten 4 finalistek 300 €-ko saria lortu zuten.

(Iturria: Prentsa-oharra)

 

 

San Prudentzio eta Estibalizko Andre Mariaren kartel lehiaketa 2020

2020an, Naiara Errasti diseinatzaileak aurkeztutako kartela izan zen lehiaketaren irabazlea. 

Epaimahaiak honako hau nabarmendu zuen: ”Jaiekin loturiko elementuak (Estibaliz, Armentia, erretreta) erabili ditu modu berritzailean eta estereotipoetatik at. Jaiekin zerikusia duten irudiak ez dira bisualki oharkabean igarotzen. Berritzailea da bai kolorearen erabilera, bai irudien erabilera, bi dimentsioko lan laua osatu baitu”.

Irabazleak 1.300 €-ko saria lortu zuen.

 

Estibalizko San Prudentzio eta Andre Mariaren kartel lehiaketa 2019

2019an, Dani Urracak lehiaketara aurkeztutakoa izan zen kartel irabazlea.

Bertan, epaimahaiak erromeriaren ohiko itxura hartu zuen kontuan, eta Estibalizko Santutegiko eta Armentiako Basilikako irudiak batu zituen. Gogoratu euskal kostunbrismoaren pinturaren bat edo beste. Komikiaren hizkuntza elementu dibertigarri gisa sartzen du. Azkenik, euskal tipografia bat konpentsatzen du kapela edo txapela formako bere apurrekin.

Irabazleak 1.000 €-ko saria lortu zuen

(Iturria: Prentsa oharra)