null Larunbat musikalak. Opera eta Zarzuela

Concierto

Música

Cultura

Kulturaraba

Larunbat musikalak. Opera eta Zarzuela

Larunbat musikalak. El pincel mágico

Larunbat musikalak formatu txikiko kontzertu eta ekitaldien zikloa da, antzinako musika, musika klasikoa, garaikidea, zarzuela eta beste kultura batzuetako musika errepertorioak barne hartzen dituena. 

2024ko Larunbat musikalen programazioa askotarikoa izango da aurten ere, eta bultzada berezia emango zaie gazteei eta tokiko artistei. Soinu eskaintza desberdina izango da, azken batean. Izan ere, ziklo horretan bertako artista ugari izaten da beti, baina, era berean, beti egoten da tokia Euskadiko eta Espainiako beste leku batzuetako interpreteen talenturako eta garapenerako. 

Soprano eta piano bikotea

Estibaliz Arroyo sopranoa
Asier Oroz pianoa

 

EGITARAUA 
Opera eta zarzuela 

 

El cazador furtivo  Und Ob die Wolke  ........  Carl Maria von Weber (1786 - 1826)

Capuletos y Montescos  
Eccomi in lieta vesta  ........   Vincenzo Bellini (1801 – 1835)

Los piratas de Penzance  
Poor wand’ring one  ........   Arthur Sullivan (1842 – 1900)

La flauta mágica  
Ach ich fühl’s  ........   W.A. Mozart (1756-1791)

Las bodas de Fígaro 
Porgi amor  ........   W.A. Mozart (1756-1791)

La ciudad muerta  
Marietta’s Lied   ........   Erich W. Korngold (1897-1957)

Ana Bolena  
Cielo, a miei lunghi spasimi   ........   Gaetano Donizetti (1797-1848)

Château margaux  
Vals de Angelita   ........   M. F. Caballero (1835-1906)

El barberillo de Lavapiés  
Canción de Paloma   ........   Francisco.A.Barbieri (1823-1894)

La tabernera del puerto  
En un país de fábula  ........   Pablo Sorozábal (1897-1988)

Mirentxu  
Goizeko eguzki argiak   ........   Jesús Guridi (1886-1961)

 

 

ESTIBALIZ ARROYO

Artearen Historiako gradua du, bai eta prestakuntza ere pianoan eta kantuan, Gasteizko Jesús Guridi kontserbatorioan jasoa. Soprano gaztea (Gasteiz, 1996) Musikene Euskal Herriko Goi Mailako Musika Ikastegian espezializatzen ari da gaur egun, Maite Arruabarrena mezzosopranoarekin eta Maciej Pikulski eta Itziar Barredo errepertoristekin. Nazioarteko izen handiko irakasleen maisu eskolekin osatzen ari da bere prestakuntza, hala nola Jessica Pratt, Simon Lepper, Pierangelo Pelucchi, Carlos Mena edo Miren Urbieta irakasleekin.
Bakarlari gisa parte hartu du opera eta zarzuela taldeetan, besteak beste, Asociación lírica Sasibil, Ozenki Elkartea eta Opus Lírica taldeetan; nabarmentzekoa da Purcell-en Dido eta Eneas, Vicente Lleó Balbastre-ren La Corte del Faraón eta Soutullo eta Vert-en La leyenda del beso lanetan parte hartu izana. Haren azken proiektuen artean, Carl Orff-en Carmina Burana kantatan (Nafarroako Unibertsitateak antolatutako proiektua) bakarlari gisa izandako esku hartzea nabarmendu behar da, zeina abestu baitzuen Nafarroako erakunde horren museoan eta Madrilgo Auditorio Nazionalean.
Gaur egun, bere abeslari karrera, abesbatza zuzendaritza eta musika irakaskuntza uztartzen ari da.

ASIER OROZ

Gasteizko Jesús Guridi musika kontserbatorio profesionalean ikasi zuen, eta, gaur egun, Euskal Herriko Goi Mailako Musika Ikastegian (Musikene) jasotzen ari da prestakuntza, Marta Zabaleta pianistarekin; gainera, ahots akonpainamenduko ikasketan sakondu du Maciej Pikulski pianistarekin.
Prestakuntzan ere sakondu du hainbat jaialditan: Pirineos Classic, Talent Summer Courses & Talent Summer Opera Festival (Brescia, Italia) eta FCIMV (Gasteiz), besteak beste J. Colom, D. Pascal, A. Malikova eta Y. Avdeeva irakasleekin. Sariak jaso ditu Euskadiko musikari gazteak lehiaketan eta Ciudad de Mataró lehiaketan. Bere ikasketetan, bakarlari errezitaldiak eskaini ditu, eta nabarmentzekoa da Juventudes Musicales de la Sociedad Bilbaína edo Donostia Musikaren zikloetan parte hartu izana, baita pianista laguntzaile gisa ere, Gure Sortzaileak Gogoan zikloan, Estíbaliz Arroyorekin batera.
Hurrengo proiektuei dagokienez, nabarmentzekoa da Donostiako Musika Hamabostaldian parte hartuko duela.

 

Datak

2024/05/04

Ordutegia

12:30

Tokia

Arte Ederren Museoa

Fray Francisco de Vitoria Ibilbidea, 8, 01007 

Vitoria-Gasteiz

nori zuzendua

Publiko orokorra

laguntzailea

Kultura eta Kirol Saila. Arabako Foru Aldundia.

Prezioa

Doan, edukia bete arte.