Larunbat musikalak formatu txikiko kontzertu eta ekitaldien zikloa da, antzinako musika, musika klasikoa, garaikidea, zarzuela eta beste kultura batzuetako musika errepertorioak barne hartzen dituena. 

2024ko Larunbat musikalen programazioa askotarikoa izango da aurten ere, eta bultzada berezia emango zaie gazteei eta tokiko artistei. Soinu eskaintza desberdina izango da, azken batean. Izan ere, ziklo horretan bertako artista ugari izaten da beti, baina, era berean, beti egoten da tokia Euskadiko eta Espainiako beste leku batzuetako interpreteen talenturako eta garapenerako. 

 

Ekaineko lehen larunbat honetan, Montserrat Sánchez sopranoak eta Txaro Martinez aktoreak bertaratutako publikoak berriro gozatzea lortu dute, 2022ko azaroan egin zuten bezala, ahots, rapsoda eta piano errezitaldi batekin oraingoan Javier San Miguel pianoarekin batera.

 

Ahots, rapsoda eta piano errezitaldia

Montserrat Sánchez sopranoa
Txaro Martínez rapsoda
Javier San Miguel pianoa

 

EGITARAUA 
MAITASUNAREN MILA AURPEGIAK…2. ZATIA

Bajazet    Antonio Vivaldi (1678-1741)
Sposa son disprezzata 
Giulio Cesare    Georg Friedrich Haendel (1685-1759)
Piangerò la sorte mia
Il Capuleti e i Montecchi    Vincenzo Bellini (1801-1835)
¡Oh ! quante volte
Cinco Canciones Argentinas    Alberto Ginastera (1916-1983)
-Triste
-Zamba
Canción al árbol del olvido
Diez Melodías Vascas    Jesús Guridi (1886-1961)
- Ala baita
- Aritz adarrean
Sueños de oro     Francisco A. Barbieri (1823-1894)
A través de mis cristales
La linda tapada    Francisco Alonso (1887-1948)
Fado

 

TXARO MARTINEZ,  aktorea
Aktore aritu da hainbat antzerki konpainietako antzerki muntaketetan: Traspasos, Titania Teatro, Piropolis (kale antzerkia pirotekniarekin), Andreak, Arlequín, DelArte (antzerki bisitak eta sustapen bisitak Gasteizen) eta antzerki ibilbideak Donejakue Bidean. Hainbat muntaketa egin ditu, zuzendari artistiko gisa: La Piztia de Domaikia (dantza eta antzerki ikuskizuna), Santa Catalina de Badaya (Erdi Aroko ikuskizuna), El Solar de Samaniego (dantza eta antzerki ikuskizuna), Las Lágrimas Saladas de Buradón (Erdi Aroko ikuskizuna), Los Sánchez de Bilbao (antzerki bisita Kordoi Etxean), El Sacamantecas (Kordoi Etxea), Gasteizko sanprudentzioetako erretreta.
Aktore aritu da, halaber, film laburretan, dokumentaletan, sustapen bideoetan eta telesailetan.
Aktore aritu da irrati antzezlanetan: Cadena Ser, Ola 19. Poesia errezitalak eta irakurketa dramatizatuak egin ditu: El club de los poetas rojos rapsodia taldeko zuzendari artistikoa eta kidea.
Aktore aritu da zenbait zarzuelatan: La Dolorosa eta Château Margaux, eta Luces y sombras antzezlan lirikoan.
 

MONTSERRAT SÁNCHEZ, sopranoaPilar Andrés de Pablo sopranoarekin hasi zuen kantu karrera, eta kalifikazio gorenekin amaitu zuen Gasteizko Jesús Guridi kontserbatorioan, Mª Ángeles Rodríguez sopranoaren zuzendaritzapean. Prestakuntza osatzeko, irakasle gailenen eskolak jaso zituen, besteak beste hauenak: Teresa Berganza, Ana Luisa Chova, Isabel Penagos eta Carmen Bustamante.
Arabako Foru Aldundiaren beka jaso zuen Madrilgo Carlos III.a Unibertsitateko "Tailer lirikoa-eskola magistrala" ikastaroa egiteko.
Milango La Scala antzokiko barne maisua eta Milango La Scala Akademiako irakaslea den Dante Mazzola kontzertazio maisuaren eskolak ere jaso zituen, eta errepertorioa landu zuen Juan Antonio Álvarez Parejo maisuarekin eta Javier San Miguelekin.
Hainbat errezital egin ditu Euskal Herrian, Extremaduran, Gaztela eta Leonen, Errioxan eta Madrilen. Zarzuelaren zenbait antologiatan ere parte hartu du, eta La Dolorosan Bilboko orkestra lirikoarekin. Lurralde nazionaleko probintzia askotan izan da, Titania Teatro konpainiarekin batera, Château Margaux zarzuelaren protagonista.
Luces y Sombras antzerki ikuskizun lirikoaren gidoia idatzi zuen eta antzezle ere izan zen. Ikuskizun horrekin Torrelavegako Antzerki Amateurraren XXIII. Jaialdian (2022) eta Ciudad de Benavente Amateurren XXIV. Antzerki Lehiaketa Nazionalean (2023) parte hartu zuen, eta LEHEN SARIA irabazi zuen Errioxako Garnacha XXVI. Antzerki Lehiaketa Nazionalean (Haro 2023, talde amateurren atala).
Oratorioko abeslari bakalaria izan da obra hauetan: Purcell-en Oda a Santa Cecilia, Pergolesi-ren Stabat Mater, Exsultate, Jubilate, Regina Coeli Kv 108, Saint-Saëns-en Eguberritako Oratorioa, Mozart-en Requiem, Camerata Gasteizekin, eta Rossini-ren Petite Messe Solennelle.
Irakasle lanetan ere aritzen da, kantu irakasle, Gasteizko Luis Aramburu Udal Musika Eskolan.
 

JAVIER SAN MIGUEL, pianoa
Lehen piano ikasketak Burgosen egin zituen, eta, ondoren, Madrilgo Goi Mailako Ikasketen Kontserbatorioan jarraitu zuen, Maria Ángeles Renteriarekin batera. Ricardo Requejo piano jotzailearekin osatu zuen prestakuntza, eta, ondoren, Suitzako Neuchâtel kontserbatorioan.
Han hasi zen kantuaren munduarekin lankidetzan aritzen: errezitaldiak egin zituen Suitzako zenbait hiritan, bai eta Suitzako Suisse Romande irratirako grabazioak ere. Harrezkero, zenbait abeslari eskoletan parte hartu du, besteak beste honako hauekin: Rosemarie Meister, Juliette Bise, Carmen Casellas, Lucía Simón, Pedro Lavirgen, Belén Genicio, María Angeles Triana, Teresa Berganza eta Victoria de los Ángeles.
1992az geroztik, piano jotzaile laguntzailea izan da Zaragozako Goi Mailako Ikasketen Kontserbatorioan eta, ondoren, Salamancako Goi Mailako Ikasketen Kontserbatorioan. Zentro horretako zuzendaria ere izan zen, eta gaur egun han ari da irakasle.
Jardun profesional horretan, María Angeles Triana katedradunarekin batera, kontserbatorio horretako opera tailerra jarri du martxan, eta hainbat tituluren muntaiaz eta eszenaratzeaz arduratu da, hala nola Elisir d 'amore, La Traviata, Don Pasquale, La Sonnambula, Le nozze di Figaro, El Barbero de Sevilla eta El Barberillo de Lavapies.
2012. urteaz geroztik, Alcaláko Unibertsitateko "Ahots teknika, errepertorioa eta ahots kantatuaren ebaluazio anatomiko-fisiologiko eta funtzionala" ikastaroko irakasleetako bat da. Diziplina anitzeko formatu horrek otorrinolaringologiaren munduarekin lankidetzan aritzera eraman du, eta hizlari gonbidatua izan da zenbait kongresutan.
Kantu errepertorioan espezialista da eta ezagutza zabala du, eta, ondorioz, kantuarekin lotutako hainbat arlotan lan egin du: lirikaren arloko gazteak eta errepertorio horretan aritzen diren pianistak prestatzeaz arduratu da; eskola magistralak eman ditu Madrilen, Kordoban, Zaragozan, Santanderren, Leuwen-en eta Wiemar-en; aldizkari espezializatuetako kolaboratzaile eta aholkulari aritu da, eta ohiko laguntzaile izan da kantu errezitaldietan.