Larunbat musikalak formatu txikiko kontzertu eta ekitaldien zikloa da, antzinako musika, musika klasikoa, garaikidea, zarzuela eta beste kultura batzuetako musika errepertorioak barne hartzen dituena. 

2024ko Larunbat musikalen programazioa askotarikoa izango da aurten ere, eta bultzada berezia emango zaie gazteei eta tokiko artistei. Soinu eskaintza desberdina izango da, azken batean. Izan ere, ziklo horretan bertako artista ugari izaten da beti, baina, era berean, beti egoten da tokia Euskadiko eta Espainiako beste leku batzuetako interpreteen talenturako eta garapenerako. 

 

CUBAS HONDAL BIKOTEA

CRISTINA CUBAS HONDAL · Biolina 

MARTA CUBAS HONDAL · Akordeoia

 

SUSTRAI IBERIKOAK:

Bidaia musikal bat Erromantizismotik gaur egunera arte

L’enfant perdu Germán Díaz (1978)
Pechotango Germán Díaz (1978)
Seis hojas de álbum, Op. 165: No 2. Tango
Isaac Albéniz (1860-1909)
Romanza andaluza
Pablo de Sarasate (1844-1908)
Andaluza, danza española No. 5
Enrique Granados (1867-1916)
Anantango
Gorka Hermosa (1976)
Brehme
Gorka Hermosa (1976)
Penumbra
Alberto Vaquero (1983)
Suite popular española
Manuel de Falla (1876-1946)
1.El paño moruno     6. Jota
La Vida breve
Manuel de Falla (1876-1946)
Paco
Gorka Hermosa (1976)

CRISTINA CUBAS HONDAL

"XIII Concurso Nacional Intercentros Melómano" lehiaketaren irabazlea dugu Cristina Cubas Hondal (1998). Auditorio Nazionalean hasi zen, 18 urterekin, eta Matteo Goffriller biolinarekin (ca. 1730) Mendelssohn-en biolinarentzako Kontzertua jo zuen, Madrilgo Orkestra Metropolitarrarekin batera. Bakarlari gisa ere jardun du beste orkestra garrantzitsu batzuekin, hala nola Malagako Filarmonikoarekin. Era berean, izen handiko jaialdi eta auditorium askotan eskaini ditu errezitaldiak, hala nola Marcelino Botín Fundazioan, Santanderreko Jaialdien Jauregian, Udako Klasikoetan, Camargoko Jaialdian, FIAPMSE Jaialdian eta Panticosako Nazioarteko Jaialdian. Era berean, Espainiak Turkian duen enbaxadak gonbidatu du Istanbulen errezitaldi bat egiteko.

Aipatutakoaz gain, beste sari askok ere bermatzen dute Cristinaren kalitate artistikoa; horien artean, nabarmentzekoak dira Vigoko Hiria Biolinaren Nazioarteko Lehiaketa, Bakearen Aldeko Biolinak Nazioarteko Lehiaketa, Marcos Pedro Moreno Jiménez Biolinaren Lehiaketa Nazionala edo Sant Anastasi Lehiaketa. Lan batzuk estreinatu ditu, hain zuzen David del Puertorenak ("Prólogo y Danza", 2015) eta Emilio Oterorenak ("Aquilegia", 2014).

Duen aldakortasun handiari esker, duoa osatu ahal izan du bere ahizpa Martarekin, akordeoi jotzailea bera, eta "Vínculos" izeneko CDa grabatu du harekin, eta honela kalifikatu da: "disko harrigarria, freskuraz betea eta oso ohikoa ez den eta ezin hobeto funtzionatzen duen instrumentazioa duena" (Pedro Téllez, melomanoa). 72.000 erreprodukzio baino gehiago ditu 67 herrialdetan baino gehiagotan.

Cristina Cubasek biolin ikasketa profesionalak egin zituen Santanderreko "Jesús de Monasterio" kontserbatorioan, Paula Bolado eta Amayak Dourgarianekin batera. Maisuen aholkuak jaso ditu, hala nola Mauricio Fuks, Kirill Troussov, Arabella Steinbacher, Christoph Poppen, Natalia Prishepenko...

Goi mailako ikasketak Zograb Tatevosyan eta Ana Chumachencorekin hasi zituen Reina Sofía Goi Mailako Musika Eskolan, eta Marcelino Botín Fundazioko eta Albéniz Fundazioko bekaduna izan zen. Interpretazio Masterra Savva eta Sergey Fatkulinekin amaitu zuen Katarina Gurska Goi Mailako Ikastegian. Gaur egun, Kantauriko Orkestra Sinfonikoko kide da, eta biolaren goi mailako ikasketak egiten ari da Eduardo Martínez Torner Goi Mailako Musika Kontserbatorioan.

MARTA CUBAS HONDAL

RTVEren "XV Concurso Nacional Intercentros Melómano" lehiaketaren irabazlea eta Prodigios 2ko finalista dugu. Marta Cubas Hondal (2002) akordeoi jotzailea da, komunikatzeko gaitasun handiagatik eta duen sentsibilitateagatik eta birtuosismoagatik da ezaguna. "Jenialtasun izugarriko artista bat." (Andrés Salado, orkestrako zuzendaria)

16 urte zituela, Madrilgo Auditorio Nazionalean estreinatu zuen, Madrilgo Orkestra Metropolitarrarekin batera, Alejandro Vivas Puig-en Kontzertu Indalikoa, berariaz harentzat konposatuta. Gainera, aurretik, Alexander Yasinskiren akordeoi eta orkestrarako Kontzertua estreinatu zuen Ataúlfo Argenta Orkestra Sinfoniko Gaztearekin, bai eta Gorka Hermosaren Atlantia Kontzertua ere, Salamancako Orkestra Sinfoniko Gazteak lagunduta.

Martak hogei lehiaketa baino gehiagotan jaso du saria, eta honako hauek nabarmendu behar dira: 1. saria, "Concours Internacional Accordéons- nous (Mons) 1. lehiaketan"; 2. saria, Akordeoiaren Munduko Sariaren 66. edizioan (Portimao); 1. saria, Cuenca Hiriko Interprete Gazteen VI. Lehiaketa Nazionalean; 1. saria, Lleidako XVI. Sant Anastasi Lehiaketa Instrumentalean; eta 1. saria, XXXIX. Arrasateko Akordeoi Jaialdi gipuzkoarrean, 18 urtetik gorako kategorian, zeinetan irabazle gazteena bihurtu zen.

Instrumentuaren eta artistaren aldakortasunari esker, Martak errepertorio zabala du, barrokotik hasi eta garaikideraino, eta, horri esker, errezitaldi asko eman ditu bakarlari gisa, ganbera taldeak osatzeaz gain. Nabarmentzekoa da ahizpa Cristinarekin (biolin jotzailea) daukan duoa.

Marta Cubas Hondalek akordeoi eta pianoko ikasketa profesionalak egin zituen Santanderko "Jesús de Monasterio" kontserbatorioan, Gorka Hermosa eta Laura Pérez de Fontecha irakasleekin, eta Gradu Amaierako Saria irabazi zuen. Hainbat maisuren aholkuak jaso ditu, hala nola Frederich Deschamps, Mario Pietrodarchi, Frederich Lips, Stefan Hussong, Franck Angelis, Miren Iñarga, Marta Gulyas, Gustavo Díaz-Jerez eta abarrenak.

Donostiako Musikene kontserbatorioan Iñaki Alberdirekin batera akordeoi ikasketak amaitu ondoren,  Interpretazio Masterra ikasten ari da Vienan, eta jarduera horrekin batera, kontzertu lanak ere egiten ditu.