Marta Sanz

(Madril, 1967) Idazlea eta literatur kritikaria. Sari garrantzitsuak jaso ditu, hala nola Herralde nobela saria (2015), narratibako Ojo Crítico (2001) edo XI. Vargas Llosa ipuin saria. Nadal sariaren finalista izan zen (2006) Susana y los viejos lanarekin, eta 2013an Cálamo saria irabazi zuen Otra mirada kategorian. El Mundo, El País eta Público egunkarietan kolaboratu ohi du. Madrilgo Antonio de Nebrija Unibertsitatean aritu da irakasle, eta Ni hablar literatur aldizkaria zuzendu du. Persianas metálicas bajan de golpe argitaratu berri du Anagrama argitaletxean.