PHOTO-ARABAk Forondako aireportuaren 45 urteak ospatu ditu - kulturaraba
PHOTO-ARABAk Forondako aireportuaren 45 urteak ospatu ditu
PHOTO-ARABA argazki historikoak zabaltzeko Arabako Foru Aldundiaren Kultura eta Kirol Sailaren interneteko atariak ostiral honetan argitaratu du Foronda-VIT aireportuari buruzko "Aireportua '80" erakusketa, datorren igandean, otsailak 16, izango den 45. urteurrena dela-eta.
Saioa Echeazarra kazetariak egindako erakusketak Arabako Artxiboko bildumetan gordeta dauden hainbat argazki biltzen ditu. Argazkietan proiektua bultzatu zuten lehen bilerak, aireportuaren inaugurazio ekitaldiak eta eraikitze etapak ikus daitezke – Otaza herria eraitsi zeneko irudi ezezagunak barne – bai eta bestelako bat-bateko argazki deigarri batzuk ere.
Forondako aireportua 1976tik 1980ra bitartean eraiki zuen Arabako Foru Aldundiak, lurraldea garatzeko proiektu estrategiko gisa. Kokapen eta ezaugarri ezin hobeei esker (pistaren luzera, adibidez), urtean salgai bolumen handiena garraiatzen duen Espainiako laugarren aireportua da gaur egun. Nazioartean proiekzio handia duen azpiegitura da, funtsezkoa Arabaren etorkizun ekonomikoan.
Kultura eta Kirol Saileko foru diputatu Ana del Valek adierazi duenez, "interneteko ekimen horren bidez, Foru Aldundiak gordetzen duen ondare grafikoa, gure lurraldearen historiako unerik esanguratsuenak modu paregabean dokumentatzen eta adierazten dituena, ezagutzera ematen jarraitzen du Arabako Artxiboak".
