Pez Limboren MicroRIZOMAk bere PIX KAT eta AntzokOH! proiektuak Gasteizera eta Arabara ekarri ditu berriro - kulturaraba
Pez Limboren MicroRIZOMAk bere PIX KAT eta AntzokOH! proiektuak Gasteizera eta Arabara ekarri ditu berriro
Antzeki Pizka Bat
PixKaten IX. edizioa eta AntzokOH!ren IV. edizioa Gasteizera eta Arabara itzuliko dira MicroRIZOMAren baitan.
MicroRIZOMA arte eszenikoetarako publiko berriak sortzeko eta bitartekaritzarako proiektua da eta kultur jarduera gazteengana eta landatar ingurunera eramatea du xede. Horren helburua da sorkuntzako eta kultura arloko guneetara joateko ohiturarik ez dutenen artean jakin-mina sortzea eta iristen ez den inguruneetara eramatea. Horretarako, izen desberdinak dituzten bi atal daude: PixKat eta AntzokOH!
Lehenengoa 15 eta 20 urte arteko gazteei zuzenduta dago, eta bigarrena landatar eremuan egiten da
PixKat gazteen eta haien ingurune kulturalaren arteko bitartekaritza-proiektua da, eta 15 eta 20 urte arteko pertsonak jarduera artistikora eta bereziki arte eszenikoetara gerturatzea lortzea du helburu 2016tik. Goiz batean institutu batera joatean eta pieza eszeniko labur bat egitean datza. Jarraian, ikasleekin foroa antolatzen da. Topaketa horren edukiak aurrez lantzen dira literatura-saileko irakasleen taldearekin jarduera artistiko horiek haien jardueren imajinariora gerturatu ahal izateko. Ekimenak ikasturte osoan zehar hainbat zentrotan egingo diren jardunaldiak jasotzen ditu.
Aurtengo edizioko PixKat urrian hasi ziren egiten Vitoria-Gasteizko eta Arabako institutuetan. Guztira, 21 ikastetxe bisitatuko dituzte (horietatik 13 Gasteizen) eta DBHko eta Batxilergoko hainbat ikasmailatako 74 talderentzako emanaldiak egingo dituzte. Ikastetxe bakoitzean, lau emanaldi egingo dituzte gehienez ere egun bakoitzeko, eta emanaldi bakoitzaren ondoren, elkarrizketa bat izango da ikasleen eta talde artistikoaren artean. Tarte horretan, hainbat gai jorratuko dituzte, hala nola artisten ibilbidea, ikuskizun bat sortzea, lanbide horiek gauzatzeko motibazioak edo sorkuntza artistikoarekin lotutako irteera profesionalak.
PixKat programazioa
| Data | Herria | Ikastetxea | Antzezlana | Hizkuntza |
| 2024/10/07 | Gasteiz | El Carmen | Boxers | Gazt. |
| 2024/11/05 | Gasteiz | Inmaculada Concepción | Boxers | Gazt. |
| 2024/11/19 | Gasteiz | Egibide | Gizaunka | Eus |
| 2024/11/22 | Gasteiz | Olabide | El Conserje | Gazt. |
| 2024/11/26 | Agurain | Aniturri | Homo amabilis | Gazt. |
| 2024/11/28 | Langraitz | Badaia | Homo amabilis | Gazt. |
| 2024/11/29 | Agurain | Aniturri | Madame B | Gazt. |
| 2024/12/03 | Lapuebla | Assa Ikastola | Gizaunka | Eus |
| 2024/12/05 | Gasteiz | Mendebaldea | Boxers | Gazt. |
| 2024/12/10 | Agurain | Aniturri | MMG | Gazt. |
| 2024/12/11 | Gasteiz | M. Unamuno BHI | Boxers | Gazt. |
| 2024/12/16 | Gasteiz | Zabalgana | Homo amabilis | Eus |
| 2024/12/17 | Gasteiz | Zabalgana | Homo amabilis | Eus |
| 2024/12/19 | Iruraiz-Gauna | Geroa Eskola | Homo amabilis | Gazt. |
| 2024/12/20 | Murgia | Murgia BHI | Tripaki salda | Eus |
| 2025/01/14 | Santikurutze Kanpezu | Mendialdea | HA | Eus |
| 2025/02/26 | Gasteiz | Lakua | Homo amabilis | Eus |
| 2025/03/10 | Gasteiz | Armentia Ikastola | Boxer | Eus |
| 2025/03/11 | Gasteiz | Ekialdea | Homo amabilis | Gazt. |
| 2025/03/27 | Lapuebla | Assa Ikastola | Homo amabilis | Eus |
| Data ixteke | Gasteiz | Federico Baraibar |
| eus/gazt |
Bestalde, AntzokOH! 2021ean sortu zen eta landatar eremuan oinarritzen da. 500 biztanle baino gutxiago dituzten eta azpiegitura eszenikorik ez duten udalerrietako espazio komunetan egindako eskuhartze artistikoak proposatzen ditu. Saioaren ondoren, antzezleak bertaratzen direnekin hizketan geratuko dira arte eszenikoen sorkuntza-prozesuaren inguruko haien zalantza eta interesei erantzuten, lanbidea humanizatzen eta askotan arte eszenikoei atxiki ohi zaien elitismo faltsu hori kentzen.
Aurten, 2024an, Zalduondo, Zanbrana, Azkoaga-Aramaio, Jugo-Zuia eta Untzaga-Urkabustaizen egingo dute. Lanak konpainia hauenak izango dira: El mono habitado, Unai García Amaro, Pez Limbo, Andrés Bezares, Doos Colectivo, Proyecto Larrua, Altraste Danza eta Qabalun.
MicroRIZOMA
Bi programa horiek uztartzen dituen microRIZOMA proiektuaren izenak adierazten duen moduan, txikitik garatu eta zabaltzen da, modu horizontalean, hainbat norabidetan, jatorritik urrun eta modu ez hierarkizatuan loratu daitezkeen sareak sortuz. Hala planteatzen du Pez Limbok proiektua bi testuinguru horietan: landatar eremuan bertako publikoarekin eta ikastetxeetan publiko gaztearekin.
MicroRIZOMA AFAko Kultura eta Kirol Sailaren, Gasteizko Udaleko Kultura eta Hezkuntza zinegotzigoaren, Vital Fundazioaren eta Eusko Jaurlaritzaren dirulaguntzei esker garatzen da.
AntzokOH! programazioa
| Data | Herria | Antzezlana | Antzezlana |
| 2024/11/09 | Zalduondo | Polvo | Homo Amabiliis |
| 2024/11/16 | Zanbrana | Qué tienen las flores | Boxers |
| 2024/11/17 | Aramaio-Azkoaga | Gizaunka/Sr. Canino | Idi Begi |
| 2024/12/01 | Zuia-Jugo | La buena letra | Gorpuztu Laburra |
| 2024/12/15 | Untzaga-Urkabustaiz | El conserje | La medida que nos ha de dividir |
“Arte eszenikoak ikusteko ohiturarik ez dagoen lekuetara joatea gustatzen zaigu. Halaber, dantza garaikidea zaila iristea den lekuetara hurbiltzea, eta, batez ere, gazteen munduan, haien iruditeriara hurbiltzea, kontsumitzeko edo sortzaile bihurtzeko”, azatzen du Eduardo Hernandok, Pez Limboko kideak.
Proiektuak sailaren babesa du, erakundeek partekatzen duten eta Foru Aldundiaren kultura planetan integratuta dagoen helburu bat lortzen laguntzen duelako: publiko berriak sortzea. Gainera, Pez Limbo konpainia antolatzailearen ibilbide handia baloratu da, bai eta aurreko edizioetan pertsona asko programa honetara iritsi izana ere.
