null Peeter Sion-en "Judit eta Holofernesen historia bat" Arte Ederren Museoan irailera arte

Peeter Sion-en "Judit eta Holofernesen historia bat" Arte Ederren Museoan irailera arte

Peeter Sion-en

Ostegun honetan, Arabako Arte Ederren Museoan, Peeter Sionen "Judit eta Holofernesen historia bat" aldi baterako erakusketa inauguratu da, eta 2025eko irailera arte egongo da ikusgai.

Gaur aurkeztu dute Ana del Val Kultura eta Kirol Saileko diputatuak, Sara González de Aspuru Arte Ederren Museoko arduradunak eta Fernando Tabar Anitua Madrilgo Unibertsitate Konplutentseko Unibertsitate Eskolako katedradun emerituak, zeinak ekarpen bikaina eta ezinbestekoa egin baitu liburuxkaren testuan, Del Val-en hitzetan.

Erakusketa posible egin da Arabako Foru Aldundiak onartu egin zuelako Celaya Letamendi Fundazioaren zorra gauzatan ordaintzea, eta, "Sailaren aldetik konpromisoa hartu genuen, zalantzarik gabe ondare aberatsa zena kontserbatzeaz eta zaharberritzeaz gain, jabe legitimoen esku jarriko genuela, hau da, herritarren esku."

Bilduma hau osatzen duten lanen artean kobre gaineko sei margolan daude, Peeter Sion (Anberes 1624-1695) flandiar artistarenak, Itun Zaharreko Judit eta Holofernesen kontakizuna deskribatzen dutenak.

Lanak berriki garbitu dituzte Arabako Foru Aldundiko Zaharberrikuntza Zerbitzuaren tailerrean, eta kontserbazio egoera ezin hobean daude.

Judit eta Holofernesen istorioaren irudikapen piktorikoari dagokionez, margolariak Bibliako kontakizuna deskribatzeko eta hari lotzeko duen modu zehatza ikus daiteke seriean:

1.  Achior Holofernesen kanpamentuan

2.  Judit Betuliatik ateratzen da Holofernesekin elkartzeko

3.  Judit eta Holofernesen arteko topaketa

4.  Judit eta Holofernes otorduko mahaira eserita

5.  Juditek Holofernesen burua erakusten du Betulian

6.  Holofernesen buru gabeko gorputzaren aurkikuntza

Fernando Tabar Anituak kobre falndestar horien xehetasunak azaldu ditu.

Liburuxka dosier gisa erantsi da.