MagialdiAraba 2023

MagialdiArabaren IX. edizioak ilusioa eramango du lurraldeko 15 herritara, irailaren 3tik urriaren 21era bitartean. Magia jaialdiak berriz ere prestakuntza, sorkuntza eta zabalkundea bateratuko ditu, eta Gasteizko XXXV. Magialdiaren atarikoa izango da

 

Beraz, MagialdiAraba Arabako 15 herritan egingo da, haurrentzako eta helduentzako magia lantegiak, hurbileko magia animazioa eta magia ekitaldiak barne hartzen dituen programa batekin, hainbat artistaren eskutik, hala nola  Asier Kidam, Tor Magoa, Hodei Magoa, Imanol Ituiño, Txoborro Magoa eta Altrius, aurtengo partaide berria.  

 

 

MagialdiAraba proiektua Arabako Foru Aldundiko Kultura eta Kirol Sailak eta Vital Fundazioak finantzatzen dute, parte hartzen duten udalen laguntzarekin.

Arabako Ilusionisten Elkarteak kudeatzen du programa hau; urtero Arabako Lurralde Historikoko hainbat herritan gauzatzen da, eta probintziako kultura jarduera sustatzea eta diziplina artistiko hori arabarrei hurbiltzea du helburu.

Ilusionisten Elkarteak Gasteizen eta probintzian antolatzen duen Magialdia programa ofizialaren parte da MagialdiAraba, eta egiten diren zabalkunde ekintza guztietan sartuta dago haren programazioa.

Argibide gehiago, hemen: www.magialdia.com/