Korterraza Arabak 50. proiekzioa egingo du ostiral honetan Santa Katalina Lorategi Botanikoan

Ostiral honetan, irailaren 29an, Santa Katalina Lorategi Botanikoan Korterraza Arabako saio berezi bat egingo da 20:15etik aurrera programaren uda arrakastatsua 50.proiekzioarekin biribiltzeko. 

Emanaldira hurbiltzen diren ikusleek -doakoa eta irekia- uda honetan ikusleek gehien bozkatutako filme laburrekin gozatuko dute, Korterraza Arabaren ediziorik onena eta arrakastatsuena izan baita.

Aurtengo edizioak bere proiekzio errekorra hautsi du eta aire zabaleko filme laburren saioak lurraldeko uda kulturalaren protagonista izan dira. 3.000 pertsona inguru hurbildu dira Arabako 42 herrietan herritarrei irekitako doako jarduera batean parte hartzera.

Aukeraketa berezia parte hartu duten ikusleei gehien gustatu zaizkien filme laburrek osatzen dute, eta bertan daude Korterraza Araba Saria -“Actos por partes” (Sergio Milan) eta “Paris 70” (Dani Feix)- eta Korterraza Araba Txiki saria -“Malacabra” (ESMA)-.