Boilur Arabako Elkarte Gastronomikoen  Federazioak, Arabako Foru Aldundiaren laguntzarekin, urtero bezala, ohiko Gastronomia Lehiaketak antolatuko ditu, San Prudentzio eta Estibalizko Andre Mariaren jaiak direla eta.

Aurten, Arabako ohiko plateren lehiaketak 58. edizioa  izango du. Urtero bezala, elkarte gastronomikoetako kideek plater tipikoekin parte hartuko dute, guztiak ere kalitate handiko Arabako produktuekin prestatuak. Perretxikoak ere ez dira faltako, arabarrek hain maite dituzten jai hauen ikur baitira.

Gainera, Arabako Errioxako ardoa dastatzearen lehiaketaren 54. edizioa ere egingo da Probintzia plazan. Parte hartzaileek hainbat ardo dastatu beharko dituzte eta Arabako zein herritakoak diren eta bakoitzak duen alkohol maila zein den igarri beharko dute.

 

Programa

10:00  Arabako plater tipikoen LVIII. lehiaketa.

11:00  Arabako Errioxako ardo dastatzearen LIV. lehiaketa.

12:00  Txistorraren pintxoak banatuko dira.

13:30  Gastronomia lehiaketen sari banaketa.

 

 

Halaber, Arabako Fanfarre Egunaren 39. edizioa dela eta, fanfarreen kontzentrazioak Probintzia plaza alaituko du.

San Prudentzio eta Estibalizko Andre Mariaren jaiak 2025

Arabako jaiak apirilaren 24an hasiko dira eta maiatzaren 1ean amaituko  dira Estibalizko erromeriarekin. Zortzi jaiegun 2025eko jaietan, programatutako 80 jarduera baino gehiagorekin 

Aurten danborradak 50. urteurrena ospatuko du, eta Arabako Foru Aldundiaren Jauregian egiten den erretretak mendeurrena.

Kontsultatu hemen 2025ko Arabako Jaien egitarau osoa.