NEOMAK taldearen kontzertua Arka plazan.

Emanaldi hau San Prudentzioren eta Estibalizko Andra Mariaren 2023ko jaien programazioaren parte da.

NEOMAK

Gaztetxotan hasita, trikitixa txapelketetan aurkari nahiz bikote gisa plazara salto egin, gerora Kepa Junkerarekin sei bat urtez hara-hona iblitako zazpi Sorginak  dira. Etenaldi baten ostean, suaren garrak irauten duela ohartu eta, ilusio handiz, proiektu berri bat jarri dute martxan: NEOMAK.

Beren sustraiei uko egin gabe, baina eraberrituta, NEOMAK hitzak dioen gisan, ‘ilargi berriak’ eskaintzera datoz.

NEOMAK orain arte ezarritakoa haustera dator, tradiziotik datozen kontu zaharrak, kanta berri bilakatu eta barrenak astintzera datozen zazpi emakume gazte dira. Beren lehen diskoa izango denaren aurrerapen kanta honekin, kontzertu soil bat ez ezik, ikuskizun osatu bat eta zentzumen guztiak dantzan jarriko dituen esperientzia bereizgarri batekin datoz.

NEOMAK taldeko partaideak: Amets Ormaetxea Ezpeleta (Arrasate), Leire Etxezarreta Learreta (Arrasate), Irati Gutierrez Artetxe (Arrasate), Garazi Otaegi Lasarte (Asteasu), Maria Lasa Hilario (Zizurkil), Alaitz Eskudero Unanue (Deba) eta Eneritz Aulestia Mutiozabal (Zarautz)