Azkena Rock Festival jaialdiaren aurreko aperitibo gisa,  Araba ARF Tourraren programazioa iritsi da berriro. Hirugarren urtez jarraian, eta Arabako Foru Aldundiaren eskutik, ekimen hori itzuli da doako programazio batekin, Azkena Rock Festival jaialdiaren rock and roll espiritua eta sugarra Arabako hainbat herritara hurbiltzeko.

Ekainaren 8an, larunbatean, honako talde hauek arituko dira Legution: Amann & The Wayward Sonss talde bizkaitarra, agertokiak blues rock doinuz betetzeko asmoz; eta Colapso taldea, punk-rock musika reggae, ska edo rap estiloekin nahastuta.

Arabako Foru Aldundiko Kultura eta Kirol Sailaren babesari esker eta Legutioko eta Zanbranako udalen laguntzari esker da posible Araba ARF Tour.