1979an desagertu egin zen Zikuñaga Ama Birjina, eta bertako biztanleak euren irudi ikonikorik gabe geratu ziren. Hutsune bat horma-hobian. Hutsune kolektibo bat.

Hutsuneei buruzko filma da hau. Nire aita Juanmi Gutiérrez, zinemagilea bera, duela urte batzuk hil zen. Orain, denbora igaro dela, bere filmetara itzuli eta oroimen pertsonaleko ariketa bat egin dut irudien bitartez, edo, hobeki esanda, horien absentziaren bidez. Izan al daiteke irudi baten absentzia haren presentzia bezain indartsua? Hala bada, zer egin hutsune horrekin? (Pello Gutiérrez).

Proiekzioan izango dira Pello Gutiérrez gidoilari eta zuzendaria, eta David Aguilar, Zazpi T´erdi ekoiztetxekoa.