Trihotz Artziniegan bizi den tronboi-jotzaile Eloy Suárezek, piano-jotzaile Alicia Torresek eta ilustratzaile grafiko Gerardo Sanzen osatutako hirukotea da. Proiektu hau hiru artistaren kezkari erantzunez sortu da, musika klasikoaren hizkuntza beste modu batean zabaltzeko asmoz, interpretazioa ez ezik, haren transmisioa ilustrazioaren bidez ere erdigunean jarriz. Horrela, Trihotzek pianoa, tronboia eta brotxa elkartzen ditu publikoarekin elkarreragiteko formatu interaktibo batean.

"Sustraiak" izeneko kontzertu honetan, Trihotzek bidaia emozional bat proposatzen du: Piazzollaren Adiós Nonino-ren barruko emoziotik abiatuta, Lament piezaren bidez J. J. Johnsonen jazzaren sustrai unibertsaletara iritsi arte; bidean, Albrechtsberger-en tronboi altorako kontzertuaren tradizio akademikoa, Castérède-ren Sonatina-ren energia eta Ravelen irudimena zeharkatuz, bere Bolero eta Alborada del gracioso piezekin. Musika eta ilustrazioa elkartzen dira hemen, publikoarekin konektatu eta esperientzia desberdin bat bizitzeko.