MH+UPV/EHUren azken deialdian hautatutako lau proposamenen arteko azkena bihar iritsiko da Montehermosora. ‘Cuentacuentos errantes’ proiektua bihar 19:00etan hasiko da, Pablo Gubbins Correa egilearen presentziarekin. Erakusketa ekainaren 22ra arte egongo da ikusgai Montehermoso Kulturuneko Jovellanos aretoan.

‘Cuentacuentos Errantes’ proiektua oso koherentea da Gubbins arkitektoaren eta artistaren prestakuntzarekin, eta eskulturan eta pinturan egindako lanaren lagin bat erakusten du. Klima-aldaketa, antropozenoa, arkitektura eta paisaia bezalako gaietan oinarritutako zientzia-fikziozko elementuak eta narrazio espekulatiboak dituzten imajinarioak landu ohi ditu

Pablo Gubbins Correa

Pablo Gubbins Correak arkitektura ikasi zuen Txileko Unibertsitate Pontifizio Katolikoan, eta arkitekto eta magister gisa graduatu zen 2018an. Coloquio Taldea sortu zuen beste batzuekin batera eta bertako kide aktibo izan zen 2014 eta 2021 artean, eta ‘Corazón de Vaca’ (2016), ‘Terapia Grupal de Autoayuda’ (2017) eta ‘Muestra de Imágenes’ (2018) erakusketak kudeatu eta horietan parte hartu zuen. Gainera, Galeria Ibiltariak antolatutako ‘Pabellón’ (2018) eta ‘Arte y Resistencia’ (2019),  erakusketa kolektiboetan hartu zuen parte.

2022tik 2023ra Arte Ikerketa eta Sorkuntza Masterra egin zuen Euskal Herriko Unibertsitatean. 2023an ‘Arte Ederrak’ erakusketa kolektiboan hartu zuen parte Zarauzko Sanz-Enea Kultur Etxean, eta EIA21 lehiaketako saria jaso zuen (Estudios e Ingeniería Aplicada 21 enpresak eta EHUk antolatua).

MH + EHU/UPV deialdia

Montehermoso + EHU/UPV programa 2012an Montehermoso Kulturunearen eta EHUko Arte Ederren Fakultatearen artean ezarritako lankidetza-hitzarmenaren barruan dago. Fakultate horretako bigarren zikloko, graduondoko eta doktoretzako ikasleei dago zuzenduta, aukeratzen diren proiektuak garatzeko aukera emanez, 4 proiektuetan lan hori egingo duen Mawatresen tutoretza eta komisariotzapean.

2018an, proiektua Montehermosoko Jovellanos aretoan banaka erakusteko aukera gehitu zitzaion programari. Horrela, artista bakoitzaren ikusgaitasuna eta erliebe handiagoa sustatzen da, mundu profesionalera hurbiltzen dituen lan plataforma eskainiz eta, aldi berean, gizartearekin lotura zuzena ezarriz.