Urtarrilaren 11n itzuliko dira Larunbat musikalak. Formatu txikiko kontzertu eta ekitaldien ziklo horretan, antzinako musika, musika klasikoa, garaikidea, zarzuela nahiz beste kultura batzuetako musikak izaten dira. Arte Ederren Museoa du agertoki nagusi, baina ez bakar, eta hamar kontzertu izaten dira (hilean bat, udako bi hilabetetan izan ezik). 

Programak lortu nahi dituen helburuak oso kontuan hartuta, talentu gazteei laguntzen jarraitzen da: berriki beka jaso duen bat (Beatriz Bertalotto) eta ibilbidea abiarazten ari den beste bat (Ainhoa López de Munain, 2023ko bekaduna). Eta haiekin batera, dagoeneko finkatuta dauden talentuak. 

Ikuskizun guztiak doakoak dira, baina gonbidapena jaso behar da Ignacio Aldecoa Kultura Etxean, urtarrileko musikalerako, eta Arte Ederren Museoan, gainerakoetarako. Kontzertu bakoitzaren aurreko astean emango dira bakoitzari buruzko xehetasunak. 

ONE MUSIKALA

2024. urtea hasi zen bezala abiatuko da 2025a: haur, gazte eta familia osoarentzako ikuskizun batekin. Laudioko ArteOn gazte abesbatzak sortutako musikal bat da, lurraldeko hainbat lekutan (Amurrio, Agurain) dagoeneko arrakasta izan duena: ONE Musikala. 10 urtetik gorakoentzat gomendatua. 

Kasu horretan, ohi bezala Arte Ederren Museoan egin ordez, Ignacio Aldecoa Kultura Etxean egingo da, ikusle gehiago hartzea ahalbidetzen baitu. Urtarrilaren 11n izango da, 12:30ean. 

2025ko Programa

 

Programa/Artista	Data	Tokia
One Musikala Laudioko ArteOn Gazte Abesbatza	Urtarrilak 11 12:30 h	Gasteiz Ignacio Aldecoa Kultur Etxea
Ainhoa López de Munain (2023ko bekaduna) Sopranoa + piano jotzaile bat (zehazteke)	Otsailak 1 12:30 h	Gasteiz Arte Ederren Museoa
Claudia Besné, harpa jotzailea	Martxoak 1 12:30 h	Gasteiz Arte Ederren Museoa
ARGENTA laukote lirikoa Alberto Núñez, tenorra Adhara Martínez, mezzosopranoa Jesús Zaballa, baritonoa Georgina Barrios, piano jotzailea	Apirilak 5 12:30 h	Gasteiz Arte Ederren Museoa
Uin Duo Iñigo Setuain, saxofoi jotzailea Javier Alciturri, piano jotzailea	Maiatzak 10 12:30 h	Gasteiz Arte Ederren Museoa
Kirudat Dúo Juan Luis García eta Markel Pérez BAIEZTATZEKE	Ekainak 7 12:30	Gasteiz Arte Ederren Museoa
Antzinako Musikaren Asteko Kontzertua (ekitaldi horretako programarekin batera aurkeztuko da)	Irailak 6 12:30h	Gasteiz Arte Ederren Museoa Arabako Antzinako Musika Astea
Beatriz Bertalotto + Marcos Marín (aurtengo bekaduna da Beatriz Bertalotto	Urriak 4 12:30 h	Gasteiz Arte Ederren Museoa
Rioja Filarmonía Eduardo Moreno San Pedro, klarinete jotzailea Marcelo Escrich, kontrabaxua Jorge Nicolás Manrique, narratzailea/errezitatzailea	Azaroak 8 12:30 h