Amarika aretoak "Beraiek, geu" erakusketa aurkezten du. Erakusketa otsailaren 2ra arte egongo da ikusgai, Foru Aldundiko Kultura eta Kirol Sailak eta Arabako Argazkigintza Elkarteak antolatuta.

Erakusketak gorazarre edo omenalditik haratago doan irudiaren bidezko elkarrizketa proposatzen du. Erakusketa 2020an sortutako ikerketa eta sorkuntza artistikoko proiektu baten parte da. Bertan emakume argazkilari garaikideek beste esanahi bat ematen diete, argazki elkarrizketa hurbil baten bidez, hainbat ikusizko artetan emakume sortzaile historikoen lanari eta figurari, erreferente femeninoen genealogia bat sortzeko helburuarekin.

Erakusketa honetan, 13 euskal argazkilari garaikidek hitz egiten dute Euskal Herriarekin lotutako 13 artista historikoren lanarekin. Artista horiek aitzindariak izan dira beren eremuan, baina ez dira oso ezagunak oro har.

Aretoan, argazkilari garaikide / erreferentziazko artisten bikote bakoitzaren 25 erretratu konbinatu daude ikusgai, erakusketaren zein proiektu globalaren parte direnak. Emaitza irudi hibridoen multzo bat da, sortzaileen arteko zubi lana egiten duena, iragana eta oraina lotuz.

Elkarrizketa horiek indartzeko, Rocio Buenok argazkilari garaikide / erreferentziako artista bikote bakoitzari egindako erretratu konbinatuekin osatzen da lana. Bi sortzaileen arteko zubi lanak egiten dituzten irudi hibridoak sortzen dira, iragana eta oraina lotuz.

Proiektuaren eta erakusketaren helburua da artean erreferente diren emakumeak berreskuratzea eta aldarrikatzea, haien bizitzak eta lanek gu gidatzeko eta inspiratzeko. Bestalde, egungo emakume argazkilarien lana ikusarazi eta balioetsi nahi da.

Euskal emakumeek edo Euskal Herriko panorama artistikoarekin harreman estua izan duten emakumeek sortutako ikusizko arte garaikidean jartzen du arreta proiektuak, eta Isabel Mellén arte historialariaren testu kritiko bat du, lana testuinguruan jartzen duena.

• "Ellas, nosotras - Beraiek, geu" (pdf)

Argazkilari parte hartzaileak:

• Ana G. Hermosok Ángeles Marco interpretatu du

• Marta C. Dehesak Amallia Avia interpretatu du

• Ana Padrók Elena Asins interpretatu du

• Maria José Zamorak Menchu Gal interpretatu du

• Ainhoa Izak Pilar Albajar interpretatu du

• Mary Zurbano Gaunak Juncal Ballestín interpretatu du

• Belén Urutxurtuk Malús Arbide interpretatu du

• Rakel Riverak Maria Paz Jiménez Escudero interpretatu du

• Nati Ramírezek Mari Puri Herrero interpretatu du

• Silvia Díez Menéndezek Esther Ferrer interpretatu du

• Elena Mediavillak Isabel Azkárate interpretatu du

• Tania Barrenetxeak Josune Amunarriz interpretatu du

• Lorea Morlesínek Eulalia Abaitua interpretatu du