Mendieta Kulturak Artziniegan VII. kontzertuen zikloan antolatutako kontzertu bat da.

 Jakob Hirukotea

Iraultza

• Manuel de Ameida-Ferrer · biolina
• Carla Pena Romero · biolontxeloa
• Imanol Casán · pianoa

Aurkezten dugun programa bi konpositore handiren arteko elkarrizketa musikala da, Ludwig van Beethoven eta Dimitri Shostakovich. Musikagile biek beren musikan adierazi zuten haiek mugitzen zituen benetako espiritu iraultzailea, eta munduak garai horretan izaten zituen etengabeko aldaketak harrapatu eta bultzatzea lortu zuten.

Beethoven eta Shostakovich garai nahasi eta iraultzaileetan bizi izan ziren, non musika emozio sakonenak adierazteko modu bihurtu zen. Bere musikan, musikagile hauek jendearen etorkizun hobe baten aldeko euforia eta itxaropena islatzeko gai izan ziren, baita garai horietan bizi zen mina, tristura eta larritasuna ere.

Ikusleek antzekotasunak, ezberdintasunak eta, batez ere, biek egin duten bidea ulertu ahal izatea da gure asmoa, Shostakovichek musikaren benetako helburua zela uste zuena ulertzeko itxaropenarekin: “benetako musika iraultzailea da beti, gogoa piztu eta aurrera eramaten duelako”.

Jakob Hirukotea

Nazioarteko hainbat lehiaketatan saritua, Jakob Hirukotea taldea Herbehereetan bizi da, eta pianoz osatutako hiruko errepertorioan sakontzen du, hiru pertsonalitateren bidez soinu bakarra sortuz.

2014an sortu zenetik, nazioarteko areto eta jaialdietan aritu dira, hala nola, Juan March Fundazioa,  Fringe Festival (Torroella de Montgri), Stadsgehoorzaal Leiden hirian (Herbehereak), Prisma Poliedric Festival (Italia), Vital Fundazioaren Astearte Musikalak (Gasteiz) zikloan eta Portugalgo Antena 3-rtp irratian.

Taldeak lehen saria jaso du nazioarteko hainbat lehiaketatan, hala nola Bartzelonako XVI. CIM Les Corts, Andorrako II. Cambra Románica eta Italiako La Follia Nuova. Halaber, Espainiako Musika Gazteriaren Ganbera-Musika Lehiaketan sarituak izan dira, eta Frantziako FNAPEC lehiaketako Champagne Maillard saria jaso dute.

Gaur egun, NSKAko (hari-laukotearen Herbehereetako akademia) eta ProQuartet frantses akademiako kide dira (ProQuartet eta ADAMI frantziar fundazioaren bekadunak). Urtero, Nazioarteko Musika Gazteriak Weikersheimen antolatzen duen Kanadako Nazioarteko Campusera joaten dira, eta JMI-Alemaniaren beka osoa jasotzen dute.

Taldea “Le Dimore del Quartetto” sarearen parte da, Europako ondare historikoan egonaldiak eta kontzertuak eskaintzen ditu, eta Stichting Young Notables-ek babesten ditu.