Mendieta Kulturak Artziniegan VII. kontzertuen zikloan antolatutako kontzertu bat da.

Gonzalo eta Sofía Martín
 
Biola eta biolontxelo bikotea

Duoa musika trukatzeko modurik errazena da. Elkarrizketa batean bezala, bi aldeek elkarri eragiten diote testura, giro eta dinamika ugari sortuz. Aukera ezberdin hori ondo irudikatzen du programa honek, Lutoslawskiren musikaren izaera natural eta landatarrekin, Garth Knoxen poltsikoko kontzertuaren itsasoaren inguruan egindako oroitzapenekin, Beethovenen ezinbesteko betaurrekodun duoan inplizituki izandako gozamenarekin, oso lagun zellista on batekin jotzeko konposatu zuen obratik eta Bachen guk moldatutako suite batekin, biok banaka jo duguna eta eszenatokian partekatu nahi duguna.

Estilo sorta zabala da eta espero dugu gure anai-arreben esperientzietatik elikatzea, gure memoria partekatuak gogora ekarriz.

​

Gonzalo Martín

​Anton Rubinstein nazioarteko lehiaketako lehen sariaren irabazlea eta HMT Ensemble Wettbewerb sarian hainbat aldiz saritua, Gonzalok Europako eta Estatu Batuetako ganbera-musikako jaialdietan parte hartu du, hala nola, IMS Prussia Cove jaialdian, Portoko HARMOS jaialdian eta Chicagoko Ravinia 's Steans' Music Institute jaialdian. Europako eta Estatu Batuetako kontzertu-areto ospetsuenetako batzuetan ere jo du, besteak beste, Carnegie Hall, Jordan hall, Gewandhaus Leipzig, Musikverein Wien, Philharmonie Berlin eta Sendesaal Bremen aretoetan.

2022/2023 denboraldian Brittenen Lachrymae Hanburgoko Orkestra Sinfonikoarekin Lüneburgeko Johanniskirche-n, Bruchen Romanza Camerata Espansiva! -rekin HMT Leipzig-eko Grosser Saal-ean eta Mozarten Sinfonia Kontzertantea, Liza Fediukovarekin eta Mainzer Virtuosi-ekin batera jo ditu.

Bilboko Juan Crisostomo de Arriaga Kontserbatorioan ikasketak hasi ondoren, Bizkaiko eta Gipuzkoako Foru Aldundiaren beka jaso zuen Alemanian eta Estatu Batuetan ikasten jarraitzeko, Tatjana Masurenko eta Kim Kashkashianen eskutik. Jürgen Mantheyren 2015eko instrumentu bat eta Daniel Schmidten arku bat jotzen ditu.​

Sofía Martín

​Bilbon jaio zen 1998an. Zortzi urterekin hasi zituen biolontxelo ikasketak Juan Crisostomo de Arriaga Kontserbatorioan, eta Oinarrizko eta Gradu Profesionaleko ikasketak egin zituen. Bizkaiko Foru Aldundiaren beka batekin, 2016az geroztik Koloniako Musika eta Dantza Unibertsitatean jarraitzen du bere ikasketak, eta bertan Thomas Carrollekin Masterra egiten ari da.

​Troels Svane, Peter Bruns, Fernando Arias, Johanes Moser eta Asier Poloren klaseak jaso ditu, besteak beste. Azken urteotan, "Jaime Dobato Benavente", "Interner Kammermusikwettbewerb HfMT Köln" edo "Lions Club Stipendium" bezalako lehiaketetan saritua izan da. Hanburgoko "Tonali" lehiaketan parte hartzea ere nabarmentzekoa da.

Musika klasikoan duen jarduera nagusiaz gain, Jazz eta Pop musikaren munduan ere dihardu Sofía. Iaztik Alemaniako AnnenMayKantereit taldearekin biran dabil eta aurten Alemaniako estadio eta jaialdi handienetako batzuetan joko dute, horien artena, Lanxess Arenan eta Koloniako RheinEnergieStadioan.