Fair Saturday Fundazioak, Arabako Foru Aldundiaren eta Laboral Kutxaren laguntzarekin, Ura Bere Bidean Korala proiektua sustatu du aurten ere Gasteizen .

Guztira, 25 talde ezberdinetako 550 ahots inguruk "Ura Bere Bidean Korala" kontzertuari forma emango diote irailaren 14an Gasteizen. Kopuru horiek aurreko ediziokoak baino % 20 parte-hartze handiagoa suposatzen dute. 

Iazko harrera onaren ondoren, Fair Saturday Fundazioak eta Arabako Foru Aldundiak "Ura Bere Bidean Korala" ekimenaren bigarren edizioa abiarazi dute. Irailaren 14an Buesa Arenara itzuliko den ekitaldi berezia. Arabako abesbatzek, parte hartu nahi duten Euskadiko abesbatza gonbidatuekin batera, "Ura Bere Bidean 23" abestiaren bertsio koralak estreinatuko dituzte, ikus-entzunezko ikuskizun berezi eta zirraragarri batean pop banda baten laguntzarekin.

"Ura Bere Bidean Korala"k musikaren bidez sozializazioa sustatzea du helburu. Horretarako, publiko guztiak parte hartzea sustatuko da, "kantutegi" eta beste baliabide batzuen bidez, gai guztietan bere ahotsekin parte hartuz. Horrela, bigarren urtez jarraian giro kolektiboa sortu nahi da euskarazko musikaren inguruan, Arabako abesbatzekin, beste lurralde batzuetako abesbatza gonbidatuekin, ikastetxeekin eta publikoarekin.

"Ura Bere Bidean Korala" proiektuan Arabako 22 erakundek parte hartu dute. 16 abesbatza helduei dagozkie (Vicente García abesbatza, Ehuterpe abesbatza, Lautada neskak abesbatza, Urkanta abesbatza, Amalur Abesbatza, Nurat Gazte Abesbatza, Canta Cantorum Abesbatza, Oskarbi abesbatza, Ausartak abesbatza, Santorcáriz abesbatza, Erribera Beitia abesbatza, La Raspa de Gazalbide abesbatza, Kataliturri Abesbatza, Zurbano abesbatza taldea, Manuel Iradier abesbatza eta Olabide abesbatza heldua), eta beste 6 haur-abesbatzei, ikastetxeei eta musika-kontserbatorio bati dagozkie (Niño Jesús Abesbatza, Papargorri Abesbatza, Lumturi Haur Abesbatza, Jesús Guridi CPMko abesbatza, Olabide Haur abesbatza eta Olabide Abesbatza). 

Era berean, "Ura Bere Bidean Korala" ren egokitzapen koral guztiak Fernando Velázquez euskal konpositore ospetsuak egin ditu, eta ikuskizuna, BECen urtero bertsio sinfonikoan egiten den kontzertua bezala, Iñaki Irastorzak diseinatuko du, La Voz, Benidorm Fest edo Los Goya bezalako proiektuen eszena eta argien arduradunak, besteak beste.

Kontzertuak artista gonbidatuak eta sorpresak izango ditu, Julian Iantzik aurkeztuta.