Tzan Tzan Fest - 2024

Dantza berriz ere bueltan izango da Baratza aretoan, Tzan Tzan Fest jaialdiaren zortzigarren edizioari esker.

Hitzordua urriaren 18tik 20ra izango da, eta jaialdiak iraungo duen 3 egunetan 6 pieza laburrez gozatu ahal izango dugu Barrundian eta Baratza aretoan.

Tzan Tzan Fest 2023 dantza garaikidearen jaialdi txiki bat da, Baratza Aretoak antolatua, eta ostiral honetan hasiko da, urriaren 18an. Jaialdiak Arabako Foru Aldundiko Kultura eta Kirol Sailaren babesa du.

Ekitaldia urriaren 18an hasiko da, ostiralean, Barrundiako kiroldegian, eta bi emanaldi izango dira. Eva Guerrerok "Gorputz artean" izeneko pieza aurkeztuko du, zeinak biltzen baititu "Inorena ez den lurra" areto ikuskizuneko materialak, gorputzari eta haren izaerari buruz eta gorputzen arteko politikari buruz iradoki eta hitz egiteko eszenan. Eta galdetzen digu: nor da gorputzaren jabea?

Eta horren ostean, Larru proiektuak gauza bera egingo du "Shoot the target" lanarekin: bi pertsonak helburu komun baten bila egiten duten bidaia bat da, hau da, bi gorputzen arteko elkarrizketa, zeinek euren oinkada sinkronizatzen baitute urrunago iristeko, bata bestearen gainean sostengatzen baitira atseden hartzeko, elkar bultzatzen baitute urrunago iristeko, eta elkar zaintzen eta babesten baitira. Bizi ibilbide batean murgilarazten digute, energia alaitik abiatuta helduaroaren zamaraino, konpainiaren ibilbidearekiko paralelismoa marraztuz.  

        

Jaialdiaren gainerakoak Gasteizko Baratza aretoan egingo dira. Larunbatean, arratsaldeko 18:00etan, lehenago topaketa bat antolatu da kafe formatuan. Larunbatean, arratsaldeko 18:00etan, Dantza eta Osasunaren 2. edizioa antolatu da, Elisa Artetarekin, "Dantzaren bitartez dimentsio energetikoa ezagutzea" izenburupean.

Amaitutakoan, 2 pieza ikusi ahal izango dira: Natalia Garcia Muroren "Mugen espazioa" eta Ane Zapirainen "Agortu". Natalia Garcíak honela laburbildu du bere lana: "Nire gorputzaren espazioek kanpoalderantz hedatzen den mugimendua sortzen dute eta harekin komunikatzen da. Horrek elkarrizketa bat sortzen du une horretan bizi gaituen eta inguratzen gaituen espazioarekin. Behar adina denbora eskaintzen badiogu geure buruari, mugen artean mugitzeko ditugun aukerak aurkitu ditzakegu". Ondoren, Ane Zapirainen txanda izango da. Bere piezak gorputzaren manifestua handitzeko adierazpen tresnak aurkitu eta ustiatzeari egiten dio erreferentzia. Kultura bakoitzak egitura materialak eta formalak ditu, etengabe aldatzen diren arauek mugatuta: lan egiteko modua, atseden hartzeko modua, sexualitatea, zaintza edo ibiltzeko modu estandarizatuak. Gorputza bere forma agortuz bizirauten saiatuko da.

Azkenik, urriaren 20an, igandea, jaialdia amaituko da, eta beste bi emanaldi egongo dira, 19:00etatik aurrera. Collectif Troikaren "See-saw". Jai aztoragarri bat da, erritu basati bat, non hiru pertsonaiak helburu bakar bat baitute: garaikur misteriotsua irabaztea. Dantzaz, akrobaziaz eta antzerkiz hornituriko ikuskizun absurdo honek bere logika ahaztera eta partidak dirauen bitartean emozio desberdinetatik pasatzera gonbidatzen ditu ikusleak. Ondoren, Melisa Calero jardungo da "Loria" lanarekin, zeina baita iniziazio erritual bat zaurgarritasunaren kontzeptua gotorleku gisa aztertzen duena. Bidaia katartiko bat da, astinaldi "izugarri" bat, ekitaldi iraultzaile bat, manifestazio bat batukadarekin, eta maratoi bat.

Ekitaldia Baratza aretoak antolatu du, Arabako Foru Aldundiaren, Eusko Jaurlaritzaren eta Barrundiako Udalaren laguntzarekin.

Tzan Tzan Fest jaialdiaren ikuskizunetarako sarrerak jada eskuragarri daude webgune honetan: https://salabaratza.com. Ikuskizunen aurre salmentak 10 €-ko prezioa du (12 € txarteldegian). Eta aurre BONU bat ere eros daiteke, 16 €-ren truke dena ikusteko. (Gastuak aparte). Ostiralerako gonbidapenak doakoak dira.

 

Baratza Aretoa

Tzan Tzan Fest 2023 dantza garaikidearen jaialdi txiki bat da, Baratza Aretoak antolatua, eta ostiral honetan hasiko da.