Topaketak 2025 programa Sortegin jardunaldiaren III. edizioarekin hasiko da, Arabako kultura proiektuak birpentsatzeko jardunaldi trinkoa izango dena

 

Datorren urriaren 25ean egingo da, Kuartango Laben 

---

Arabako Foru Aldundiko Kultura eta Kirol Sailak Topaketak programaren edizio berri bat jarri du abian. Programa hori lurraldeko kultura sortzaileei eta eragileei laguntzeko, gogoeta eragiteko eta prestatzeko gunea da.

2025eko egutegiaren lehen hitzordua Sortegin izango da. Jardunaldi trinkoa izango da, eta hirugarren edizioa urriaren 25ean egingo da Kuartango Laben (Zuatzu Kuartango), ingurune pribilegiatua baita gelditzeko, pentsatzeko eta sorkuntza bultzadarekin berriz konektatzeko.

Sei orduz, parte hartzaileek banaka eta taldean lan egin ahal izango dute, entzutea, gogoeta partekatua eta ikaskuntza kolektiboa errazten duten partaidetzako metodologia dinamikoen bidez. Jardunaldiak barnean hartzen ditu prestakuntza, janaria eta giro eroso eta inspiratzailea sortzeko pentsatutako ezustekoren bat.

Sortegin kultura edo sormen arloko pertsona eta profesionalei zuzenduta dago, baldin eta proiektu bat abian badute edo ideia bat garapen fasean, eta berriro pentsatu, birdefinitu edo, besterik gabe, harekin berriro ilusionatu nahi badute.

Edizio honetako nobedadeen artean, nabarmentzekoa da prestakuntzarako gune digital berri baten inaugurazioa, non 2025-2026 programazio osoa kontsultatu ahal izango baita, bai eta zerbitzutik bertatik sortutako materialak eta baliabideak ere.

Izen ematea irekita dago, eta TOPAKETAK programaren webgunearen bidez egin daiteke.