Irailaren 9,10, 11 eta 12an, Paco San Miguelen lorategi-museoa, Egileorren (Araba), agertoki bizia bihurtuko da site specific esku-hartze artistikoarekin, egilearen lan eskultorikoarekin elkarrizketan aritzen dena.

 

Proposamenak dramaturgia, dantza, musika eta arte performatiboak bateratzen ditu, non ibilibide partizipatiboa sortzen den eta publikoa protagonista bihurtzen den.
Saioan zehar, eskulturak perspektiba berrien pean erakusten dira, argiztapen aldakorrari eta esku-hartze bakoitza laguntzen duten soinu-atmosferei esker.

Ekitaldiak Paco San Miguelen ibilbidea eta lorategi-museo gisa sortutako Isinohanako espazioa omentzen ditu. Naturak, harriak eta sorkuntzak bat egiten dute paisaia artistiko paregabea sortzen.

Euskal kosmobisio matriarkal eta naturalistan inspiratutako begirada batekin,
esperientzia erritual garaikide eta komunitario gisa ulertzen da, lurraldearen, memoriaren eta arte bizien arteko harremana birpentsatzen duen ekintza.

---

Esperientzia

Esperientzia eskultura bakoitzaren eta bere esku-hartzearen ibilbide gidatu batekin hasten da, publikoari obraren, espazioaren eta ekintza eszenikoaren arteko harremanean murgiltzeko aukera ematen diona. Hasierako ibilbide horren ondoren, denbora librea egongo da eskulturak patxadaz ikusteko eta haien gaineko begirada berriak ezagutzeko. Azkenik, bisita laburrak eskainiko dira egilearen tailerrera, haren sortze-prozesua gertutik ezagutzeko eta haren obraren sorreran murgiltzeko.

Esperientzia integrala eta dimentsio anitzekoa da, pertsona guztiei irekia, irisgarria eta ondarearen, artearen eta komunitatearen arteko topagune gisa sortua.

 

info+

– Publiko gazte eta heldua 

– Testurik gabe 

– Iraupena: 75 eta 90 minutu artean 

– Esperientziarako beharrak: oinetako eta jantzi egokiak.