Aurten, 2023an, San Prudentzio eta Estibalizko Andre Mariaren jaien programazioak 80 jarduera baino gehiago izango ditu.

Hala, Arabako jaiak apirilaren 23an hasiko dira antzerki emanaldi batekin Principal Antzokian; 25ean, jaien berri emateko pregoia izango da; 27an, erretreta tradizionala eta danborrada; 28an, Armentiako egun tradizionala; 29an, gastronomia lehiaketak, kuadrillen erakusketa eta Fanfarre Eguna, besteak beste, eta 1ean, Estibalizko erromeria. Guztira 86 jarduera, programa orokorrekoak, kirol programakoak eta Armentiako Administrazio Batzarraren programakoak bilduta.

Musika protagonista izango da, Itziar Yagüe, Kai Nakai, Puro Relajo eta Neomaken emanaldiekin, besteak beste. Dantzak ere, beti bezala, leku nabarmena izango du. Euskadiko aurresku eta dantza solteko ohiko txapelketaz gainera (aurten XXX. edizioa egingo da), gazteenentzat Gasteizko Dantza Txapelketa izango da.

San Prudentzio eta Estibalizko Andra Mariaren omenezko jaiak urtero ospatzen dira apirilaren 28an eta maiatzaren 1ean, eta ohikoak dira barraskiloak, perretxikoak, Armentiako zelaira joatea eta ospakizunen lagun diren danborrak.

Tradizioa, gastronomia, musika eta alaitasuna dira nagusi arabarrek hain maite dituzten jai hauetan.