Erdi Aroko Arabako lantaldeak eta Guardia-Arabako Errioxako Kuadrillak doako hainbat ondare-ibilbide antolatu dituzte, lurraldeko milako urteko ondare interesgarria ezagutarazteko. Datozen hilabeteetan, hainbat proposamenen bitartez, Arabako eskualde eder honetan barrena ibiliko gara, artearen, historiaren eta naturaren arteko konbinazio harrigarri batek gidatuta.

Harresiz inguratutako hiribilduak: Moreda Araba eta Labraza 

Bi  hiribildu hauek historia izugarria dute, Nafarroarekin muga egiten dutelako, eta hainbat eta hainbat erakargarri dituzte kaleetan zehar. «Erromatar erako» motiboz beteriko portale eder batek ematen digu ongietorria Moreda Arabako Santa Maria elizara. Barrualdean, horma pinturaren ziklo aparta ikus dezakegu, baita herri debozio sendoa duen erretaula bat ere: Birjinatxoak. Labrazari dagokionez, Done Mikelen elizak mendeetako historia du eta, gainera, lekualdatutako ondare pieza batzuk ditu (gaur egun, Gasteizko Elizbarrutiko Arte Sakratuaren Museoan kontserbatzen dira).

Bisitatu beharreko lekuak: Andre Mariaren parrokia/ Done Mikelen eliza / harresiz inguraturiko esparrua eta Mairuaren iturria.
 

Elkargunea: Andre Mariaren eliza, Moreda Araba.

Joan-etorrietako bidaiak ez daude sartuta.

Informazio gehiago: Guardia-Arabako Errioxako Kuadrilaren telefonoa 945600252