Kulturan profesionalki ekiteko tailerr hau Arabako Merkataritza Ganberarekin batera elkarlanean antolatu da, ekintzailetza bide profesional gisa aztertu edo proiektu profesionala sendotzeko beste urrats bat eman nahi duten artistei eta kultura-eragileei zuzenduta.

Helburua kultura-ekintzailetzaren ikuspegi integrala, eguneratua eta praktikoa eskaintzea da, prozesua desmitifikatzen eta urratsak sortzen dituen beldurrak murrizten laguntzeko. Izan ere, kulturan ekitea bide bideragarria izan daiteke, bakarka egin behar ez dena, eta horretarako baliabideak eta laguntza espezializatua daude.

Kontua ez da bakarrik proiektu bat edukitzea, baizik eta nola eutsi jakitea.

Formatzailea: Arabako Merkataritza Ganbera

Arabako Merkataritza, Industria eta Zerbitzuen Ganberak sektore desberdinetako ekintzaileei laguntzen die bere proiektuaren fase guztietan, ideia definitzen denetik finkatzen eta hazten den arte. Orientazio-, prestakuntza- eta aholkularitza-zerbitzu espezializatuen bidez, laguntza praktikoa eskaintzen du proiektuen bideragarritasuna aztertzeko, negozio-eredua zehazteko eta abian jartzea errazteko. Gainera, erakundeen eta enpresen lankidetzarekin eskura dauden laguntzen, dirulaguntzen eta finantzaketaren berri ematen du.

Haren lanak Arabako ekosistema ekintzailea indartzen laguntzen du, enpresa berriak sortzen eta ekonomia- eta enplegu-aukerak sortzen lagunduz.
 

• IZENA EMATEKO FORMULARIOA

Edozein kontsulta edo zalantzarako: kulturarababulegoa@araba.eus