Sweet Chilli Circus Company konpainiak FuturoPasado* antzezlana aurkezten du Gasteizen. 

Emanaldi hau “Arabako plazetan 2025, Arabako kale arteen zirkuituaren” seigarren edizioaren parte da, 47antzerki, clown, dantza eta zirku ikuskizun lurraldeko udalerritan programatu dituena. Arabako lurralde osoan zehar egingo diren kaleko ikuskizunen eskaintza zabala da hau. Programa 2020an sortu zen, lurraldean kaleko arte eszenikoak zabaltzeko eta sustatzeko. Foru Aldundiaren eta lurraldeko udalen artean egiten da, Artekalek koordinatuta eta ekoitzita.

*EKO - Pyrénées de cirque proiektuaren esparruan programatutako ikuskizuna.

Sinopsia

Zergatik saiatzen da gizona groteskotasunetik aldentzen? Zer ezkutatzen du? Gure asmoa ez da arazoak konpontzea, baizik eta zibilizazioetan gure jatorriaren, identitatearen eta bizi-zentzuaren inguruan izan diren betiko galderak taularatzea.

FuturoPasado 50 minutuko obra eszeniko bisual eta arriskutsua da. Dantza, gorputz-hizkuntza eta zirku garaikidea uztartzen dituen berezko hizkuntza batean ikertzen du. Distopia bat da, eta narratibak denboraz kanpoko espazio zentzugabe batera garamatza. Kontrastez beterik nabigatzen dugu edertasunaren eta groteskoaren, gordinaren eta sotiltasunaren, erokeriaren eta arrazionaltasunaren artean.

Gizakiaren mugak ikertzen ditugu, gure izaeraren txoko eta zulo bakoitza geldiezinki zeharkatuko duen narrazio-egitura ez-konbentzionalaren bidez. Ikuslearentzako bidaia bat planteatzen dugu, unibertso sentsorial eta atabikoa. Lengoaia eszeniko bat garatzen dugu, gorputzetik hitz egiten eta zintzotzen dena, eta bere mezua galderak egiteko eta formula berriak aurkitzeko irrikaz dagoen publiko bati bideratzen diogu.