#serlobas-ek emakumeen gorputzaren iruditeria zabaldu nahi du argazki koral eta kolaboratibo baten bidez.

Mendeetan zehar, gizonaren desioak bultzatutako irudikapen maskulino batek objektualizatu, sexualizatu, gaitu emakumeak. Emakumeen edertasun kanonak hainbat modutan zapaltzen gaitu oraindik, eta tresna indartsuena irudia da.

Espetxe narratibo horretatik irteteko, unibertso polifoniko bat eraikitzen ari gara, non emakumeak kosifikazio leku pasibo batetik autoirudikapen leku aktibo batera igarotzen ari baikara.

Proiektua argazkilariekin eta argazkilari ez direnekin egindako topaketez hornitzen da. Zalantza eta zaurgarritasuna sorkuntza potentzialtzat jotzen dituen zirkulu sinboliko baten barruan, musa izatetik argazkilari izatera igarotzen ari gara. Kontakizun berri bat eraikitzen ari gara gure gorputzen inguruan, baina orain geu gara kontalariak, balio zaharrak deslegitimatuz eta balio propioak gehituz.

Irudi berriak denborarekin aldatzen doan erakusketa bizi bati gehitzen ari zaizkio, gure gorputzek egiten duten bezala. #serlobas etengabe ari da aldatzen. Eraldaketa prozesuan sentitzea da lehenago jasotakotik askatzeko dugun modua.

Areto honetan bildu dira 2021eko azarotik 2023ko urrira bitartean Terrassan, Madrilen, Kordoban, Valentzian eta Rubín egindako topaketen argazkiak.

Elisa Miralles eta Lurdes R. Basolí, #serlobas-eko zaintzaileak

PARTE HARTU DUTEN EGILEKIDEAK:

Vanessa Tovar, Oona Such, Tamara Sánchez, Natalia Sabio, Teresa Rodríguez, Encarnación Rodríguez, Patri Prol, Carola Parra, Marta G. Otín, Tanit Nieto, Gema Muñoz, Andrea Molino, Lucía Morate, Cecilia Montobbio, Carmen Miguel, Claudia Mesa, Paula Martínez, Elena Martí, Núria López, Mariona Lopez, Montaña Lindo, Mar León, Yolanda Jiménez, Ana Belén Jarrín, María Ángeles Hernández, Marina González, Susana García, Nerisa Garcia, Olga Fuenmayor, Sara Fisher, Wayra Ficapal, Pilar Escribano, Rocío Cárdenas, Amparo Cantó, Tere Basolí, Olga Aznar eta Raquel Artacho.

KOORDINATZAILEA: Arabako Argazkilaritza Elkartea