Barreak izarren azpian - kulturaraba
Barreak izarren azpian
Play Gasteizek zine ziklo paregabe eta esklusibo bat aurkezten du 2024ko udarako Arabako plaza eta kaleetarako El carné filmarekin, aire zabalerako berariaz egindako lehen filma.
El carné amatasunari, aitatasunari, maitasunari eta bizitzari buruzko komedia frenetikoa da. Helburua da programatutako 22 saioetan parte hartzen duen publikoa barrez lehertzea eta hunkitzea, baina baita publikoa hausnarraraztea ere, eta etxera irribarrea ahoan duela joatea.
| Eguna | Ordua | Herria |
|---|---|---|
| Ekainak 29 | 22:00 | |
| Uztailak 5 | 22:00 | |
| Uztailak 6 | 22:00 | |
| Uztailak 12 | 22:00 | |
| Uztailak 13 | 22:00 | |
| Uztailak 18 | 22:00 | |
| Uztailak 19 | 22:00 | |
| Uztailak 20 | 22:00 | |
| Uztailak 20 | 22:00 | |
| Uztailak 25 | 22:00 | |
| Uztailak 25 | 22:00 | |
| Uztailak 26 | 22:00 | |
| Uztailak 27 | 22:00 | |
| Abuztuak 2 | 22:00 | |
| Abuztuak 3 | 22:00 | |
| Abuztuak 11 | 21:30 | |
| Abuztuak 17 | 21:30 | |
| Abuztuak 24 | 21:30 | |
| Abuztuak 31 | 21:00 | |
| Abuztuak 31 | 21:00 | |
| Irailak 7 | 21:00 | |
| Irailak 21 | 21:00 |
El carné Xabi Vitoriak zuzendu du eta Iñigo Salinerok eta Vitoriak berak idatzi dute. Vitoria zuzendari eta gidoilaria da, eta El carné, El trato, Love is in the air eta El parto film laburren egilea. Iñigo Salinero, berriz, aktore eta bakarrizketagilea da, eskarmentu handikoa zineman, telebistan eta antzerkian (Allí abajo, La pequeña Suiza, Las chicas del cable, El cine es maravilloso...). Biek elkarrekin komedia erromantiko errealista idatzi dute, 75 minutu ingurukoa, erritmo frenetikoa eta puntu surrealistak dituena, ezusteko gag ugariz josia eta adin guztietarako umorez bustia.
Istorioa filmatzeko, komediaren aurpegi ezagunak izan dira protagonista: Lander Otaola eta Ylenia Baglietto protagonistak, eta Gorka Aguinagalde, Gurutze Beitia, Iñigo Salinero, Alex Cano eta Elena Lombao, besteak beste.
