Arabako plazetan - Arabako kale arteen zirkuitua - kulturaraba
Arabako plazetan, Arabako kale arteen zirkuitua

"Arabako Plazetan" Arabako kale arteen 2023ko zirkuituaren laugarren edizioa martxan dago. 41antzerki, clown, dantza eta zirku ikuskizun programatu ditu lurraldeko 39 udalerritan, non 27 konpainiak —haietatik 8 Arabakoak— jardungo baitute ekainetik irailara bitartean.
Programak, arabar ikusleen harrera beroa izan dueña sortu zenetik, arte eszenikoak gure herrietako plazetara eramaten ditu berriro. Haurrek eta ez hain haurrek magiaz, umoreaz, piruetaz eta musikaz gozatzeko aukera izango dute, beste behin. Askotariko ia hogeita hamar konpainiak (gehienak Euskal Herrikoak) parte hartzen dute zirkuituan, hainbat diziplinatako ikuskizunak eskainiz, baina denak helburu batekin: ikusleei une atsegin bat pasaraztea.
Aurten ere, Foru Aldundiko Kultura eta Kirol Sailak, udal bakoitzak eta Artekale Euskal Herriko Kaleko Arteen Elkarteak (arte eszenikoetako profesionalen elkartea) elkarlanean antolatu dute.
Data | Herria | Konpainia | Ikuskizuna |
---|---|---|---|
Ekainak 3 | OYÓN-OION | Trapu zaharra | |
Ekainak 3 | NANCLARES DE LA OCA / LANGRAIZ OKA | Zirkozaurre | |
Ekainak 9 | LAUDIO / LLODIO | Aukera Dantzan | |
Ekainak 9 | LEGUTIO | Hutsun+Ortzi | |
Ekainak 10 | PIPAON | Magia en Zapatillas | |
Ekainak 17 | SALCEDO | Dramagia | |
Ekainak 17 | MURGIA | Teatro Panta Rhei Antzerkia | |
Ekainak 20 | AMURRIO | GANSO&Cía | |
Ekainak 24 | BERANTEVILLA | TwoMuch Circus | |
Ekainak 25 | AGURAIN / SALVATIERRA | Hortzmuga | |
Ekainak 27 | LAGUARDIA | Zanguango Teatro | |
Uztailak 1 | ELBURGO / BURGELU | El gran Rufus | |
Uztailak 1 | IZARRA | Ameztu Antzerkia | |
Uztailak 3 | ARAMAIO | Bapateanzirko | |
Uztailak 7 | ARAIA | Zo-Zongó!! | |
Uztailak 8 | ACOSTA / OKOIZTA | Bea Larrañaga | |
Uztailak 8 | ARTZINIEGA | Maite Guevara | |
Uztailak 8 | SALINAS DE AÑANA / GESALTZA AÑANA | Trotamundos | |
Uztailak 15 | RIBABELLOSA | Ameztu Antzerkia | |
Uztailak 18 | VILLABUENA DE ÁLAVA / ESKUERNAGA | Bapateanzirko | |
Uztailak 18 | IZARRA | La Enana Naranja | |
Uztailak 20 | ALEGRÍA-DULANTZI | Ameztu Antzerkia | |
Uztailak 22 | ELVILLAR / BILAR | Ameztu Antzerkia | |
Uztailak 22 | ARESPALDITZA / RESPALDIZA | GANSO&Cía | |
Uztailak 23 | VILLANUEVA DE VALDEGOVÍA | Cía. Trotamundos | |
Uztailak 27 | DURANA | Ameztu Antzerkia | |
Uztailak 28 | BERNEDO | Cía. Barsanti | Somos la ley |
Abuztuak 15 | LEZA | Demode Quartet | |
Abuztuak 19 | OTEO | Trapu Zaharra | |
Abuztuak 20 | YÉCORA/IEKORA | Bapateanzirko | |
Abuztuak 22 | LAPUEBLA DE LABARCA | Hutsun + Ortzi | |
Abuztuak 24 | OKONDO | Cía. Barsanti | |
Abuztuak 26 | POBES | Pez Limbo | ÓXIDO humor corrosivo |
Abuztuak 26 | ELCIEGO | Trapu Zaharra | |
Abuztuak 26 | ARMIÑÓN | TwoMuch Circus | |
Abuztuak 26 | ZUHATZU KUARTANGO | Zirkun Zirko Eskola | |
Irailak 1 | LABASTIDA/BASTIDA | Zirika Zirkus | |
Irailak 2 | BAROJA-ZUMENTU | Cía. Barsanti | |
Irailak 3 | EGILETA | Potxin eta Patxin | |
Irailak 9 | LANCIEGO/LANTZIEGO | Zo-Zongó!! | Kolpez Blai |
Irailak 9 | ZAMBRANA | Cía. Barré | Trás la Escoba |
Arabako Kaleko Arteen Zirkuituaren hirugarren edizioak kolorez bete zituen Arabako 39 udalerritako plaza eta kaleak. 2021eko edizioan baino 6 emanaldi gehiago izan ziren. Horrela, gure probintziako agenda kulturalaren barruan finkatu zen programa.
Adin guztietako 4.000 ikusle inguruk gozatu zuten aire zabaleko antzerkiaz, dantzaz eta zirkuaz 2022ko maiatzatik eta urrirarte lurraldeko herrietan egindako emanaldietan
AURREKO EDIZIOAK

Arabako Plazetan 2022
Arabako Kaleko Arteen Zirkuituaren hirugarren edizioak kolorez bete zituen Arabako 39 udalerritako plaza eta kaleak. 2021eko edizioan baino 6 emanaldi gehiago izan ziren. Horrela, gure probintziako agenda kulturalaren barruan finkatu zen programa.
Adin guztietako 4.000 ikusle inguruk gozatu zuten aire zabaleko antzerkiaz, dantzaz eta zirkuaz 2022ko maiatzatik eta urrirarte lurraldeko herrietan egindako emanaldietan.


HISTORIA
KulturArabaren ekitaldi agendako eskaintza 2020 urtean zabalago egin zen Arabako plazetan, Arabako kale arteen zirkuitua programarekin.
Arabako lurralde osoan zehar egingo diren kaleko ikuskizunen eskaintza zabala da, arte eszenikoen zirkuitu osoa eta askotarikoa egiteko. Arabako plazetan izeneko ekitaldi-programan, lurraldeko udalerrietako antzerki-, klown-, dantza- eta zirku-ikuskizunak biltzen dira , eta urtero 20 konpainiak baino gehiagok hartzen dute parte maiatzetik irailera bitartean.
Foru Aldundiaren Kultura eta Kirol Sailak eta programan parte hartzen duten udalek elkarlanean antolatzen dute, eta Artekale Euskal Herriko Kale Arteen Elkarteak (arte eszenikoetako profesionalen elkartea) koordinatzen du. Izan ere, udalek berek aukeratzen dituzte udaberri-udan beren herrietan ikusi ahal izango diren konpainiak eta lanak.
Artekale 2004an sortu zen, euskal lurraldean kale-arteak sustatu, zabaldu eta haien balioa nabarmentzeko asmoz. Berezia eta berdingabea da, sektoreko hainbat profesional biltzen baitira bertan: artistak, jaialdiak eta banatzaileak. Horiek guztiak, kaleko arte eszenikoei duintasuna emateko helburuarekin.
Zirkuitua Arabako Kultura Plan Estrategikoan kokatzen zen, eta honako helburu hauek zituen:
-
Arte eszenikoak Arabako Lurralde Historikoan zabaltzea eta sustatzea, eskariei erantzunez eta eskari berriak sorraraziz.
-
Arabako herritar guztiei kaleko arteen ikuskizunetarako sarbidea erraztea, kultura-eskaintza deszentralizatuz.
-
Arte eszenikoen esparruan tokiko sorkuntza sustatzea eta emanaldiak egiteko aukerak irekitzea Arabako konpainiei.

Logoaren azalpena
«Arabako Plazetan». Diseinua: Anuska graphic taldea, 2021
Honela azaldu du logoa diseinatu duen taldeak:
“Arabako plazetan" letrek zehaztu egiten dute non egiten den arte eszenikoen zirkuitua, oso garrantzitsua da. Tipografia sendoa du, tinkoa, pisuduna, edozein formatutan errazago ikusi eta irakurtzeko modukoa.
"Arabako" hitza osatzen duten letrek arte eszenikoetan beharrezkoak izan ohi diren elementuak erakusten dituzte: pilotak, eskailera, eremu altu biribilak, karratuak, uztaiak, malgukiak, zintak eta, jakina, begiak: bereak eta ikusleenak. Letrak horiak dira, antzerki sineskerietatik urrun, deigarriak, argitsuak, alaiak eta berotasun apur bat dutenak. Kolore horia sormena akuilatzeko eta pertzepzioa eta hausnarketa zorrotzarazteko erabiltzen da, irudikatzen duen arte eszenikoen zirkuituarekiko koherentzia indartzeko. Baina, praktikan, irakurterrazak, deigarriak eta, lehen deskribatutako trazuekin, berdingabeak eta gogoratzeko modukoak izatea eragiten du.
"Plazetan", letra dantzariak, espaziora egokitzen dira oinetan bermatuta, horiek baitira plazak zapalduko dituztenak ikuskizunak egiteko eta ikusteko. Beltzak, "Arabako" hitzari protagonismoa ez kentzeko.”