JOSE REYES RAMOS, AIRE ZABALEKO PINTURA AZKARRAREN SAN PRUDENTZIO ETA ESTIBALIZKO ANDRA MARIA XXIX. LEHIAKETAREN 2024KO IRABAZLEA.

San Prudentzio eta Estibalizko Andra Mariaren jaietako jarduera programaren barruan, Estibalizko Santutegirako erromeria egiten da maiatzaren 1ean. Han, festa ekitaldiez goza dezakegu, hala nola patata tortillaren lehiaketaz, euskal herri kirolaz eta aurresku eta dantza solteko txapelketez. Jardunaldiaren erakargarritasunetako bat, zalantzarik gabe, aire zabaleko pintura azkarraren lehiaketa da. Aurten, 29. edizioa egin da.

Aurten ere, artistek Estibalizko Santutegia inguratu zuten, eta bakoitzak bere talentua askatzeko kokaleku egokiena aukeratu zuten. Goizeko 9etan hasi zen lehiaketa, euskarriak zigilatuta. Ordu horretatik aurrera, parte hartzaileak basilikaren inguruan margotzen ikusi ahal izan genituen. Nabarmendu behar da lanak 14:00ak baino lehen aurkeztu behar direla, eta, beraz, goiz bat baino ez dagoela lan horiek oihaletan irudikatzeko. Estiloa eta teknika askeak dira, baina gaia Santutegiari edo haren inguruari edo monumentu multzoari lotuta egon behar da.

Ikusi lehiaketaren oinarriak

Jai-egun honetan eguraldi ona izan ez bazen ere, bertaratuek gozatu ahal izan zuten, artelan horiek nola egin zituzten ikusten.

2024rako hiru sari aurreikusi ziren: 1000, 500 eta 350 eurokoak, hiru lan onenentzat. Laugarren bat ere ezarri zen 16 urtetik beherako gazteentzat, 150 euroko zuzkidurarekin.

IRABALEAK

LEHENENGO SARIA: Jose Reyes Ramos

BIGARREN SARIA: Iker Mugarra

HIRUGARREN SARIA: Eneko Arruza

HAURREN MODALITATEA: Paula Arruza